မြန်မာစာအခြေခံ

အကျဉ်းချုပ်

ဤမြန်မာစာ အခြေခံတွင် ပါဠိအာဘော်တို့ကိုသာ မျက်စိမှိတ်၍ မယူဆဘဲ ရှေ့သို့တိုး၍ ရင်းမြစ်စိစစ်သုံးသပ် တင်ပြထား ပေသည်။ တင်ပြချက်များကို ကျမ်းအဆိုအမိန့်တို့ဖြင့် စိစစ်သည်ထက် သဘာဝယုတ္တိဖြင့်သာ ချင့်ချိန်ရန်နှင့် ပါဠိမှုမဟုတ်ဘဲ မြန်မာစာ မြန်မာ မူအဖြစ် လက်ခံစဉ်းစားရန် လိုအပ်ပေမည်။ ဤအကြောင်းပြချက်၊ တင်ပြချက်များသည် သစ်ဆန်းနေသည်ဟူ၍ ဖြစ်စေ၊ ယုတ်စွအဆုံး ဖောက်ပြန်နေသည်ဟူ၍ ဖြစ်စေ၊ ရှေးက ဤအသိ ဤအမြင်မျိုးဖြင့် မြန်မာစာဗျည်း “အ”နှင့်တကွ မြန်မာမူများကို လက်ခံ ခဲ့ခြင်း မဟုတ်ဟူ၍ ဖြစ်စေ မိမိထင်မြင်ရာကို လွတ်လပ်စွာ ကောက် ချက်ချနိုင်ပေသည်။ သို့ရာတွင် အခြားနည်းဖြင့် အကြောင်းအချက်ကိုကား တွေ့အောင် ရှာဖွေရန် လိုပေလိမ့်မည်။ မည်သို့ပင်ဖြစ်စေ၊ လွတ်လပ်စွာ မိမိ၏ စဉ်းစားဝေဖန်ချက်များကို တင်ပြအပ်သည်ဖြစ်သောကြောင့် အကြောင်းအကျိုးစပ်သမျှ တင်ပြထား ခြင်းပင် ဖြစ်ပေသည်။