မြန်မာစကားဝိုင်း (၇)

အကျဉ်းချုပ်

မြန်မာစာအရေးအသား မပေါ်ပေါက်မီက မြန်မာဘာသာ စကားသမိုင်းနှင့် မြန်မာစာအရေးအသား ပေါ်ပေါက်ပြီး မြန်မာဘာသာ စကားသမိုင်းဟူ၍ အပိုင်းနှစ်ပိုင်းရှိရာ မြန်မာစာအရေးအသား ပေါ်ပေါက် ပြီးနောက်ဖွံ့ဖြိုးလာသောမြန်မာဘာသာစကားသမိုင်းမှာစာအရေးအသားအထောက်အထားများရှိသည့်အတွက် လေ့လာရန် ပို၍လက်လှမ်းမီမည် ဖြစ်ပါသည်။ ထိုနယ်ပယ်နှင့်ပတ်သက်၍ အထောက်အထား ပြုစရာ များအကြောင်းကို ‘မြန်မာစကားသမိုင်း’ အတွက် ဟူသော ခေါင်းစဉ်ဖြင့် ဆောင်းပါးတစ်စု ရေးခဲ့ပါသည်။ ယခင်စာစုများကဲ့သို့ပင် စကားဝိုင်းမှာ ဆွေးနွေးပြောဆိုသည့် ပုံစံဖြင့် ပေါ့ပေါ့ပါးပါး ရေးထားပါသည်။ ဤစာစုကို စာအုပ်အဖြစ် စီစဉ်ထုတ်ဝေသော မြန်မာနိုင်ငံ တိုင်းရင်းသားဘာသာစကားဦးစီးဌာနကို ကျေးဇူးတင်ပါသည်။