ပခုက္ကူ ဆရာတော်ဘုရားကြီးဟောကြားတော်မူသော ဓမ္မာနုပဿနာတရားတော်

ထိုတရားကား အဘယ်တရားပါနည်းဆိုသော်၊ ထိုတရားသည် (အာယတန) ဒွါရ (၆)ပါး၊ စိတ် (၆)ပါးတို့၌ (ပညတ်) ကိုပယ်ခွါ၍၊ (တဏှာ၊ မာန၊ ဒိဋ္ဌိ) ကို ဖယ်ခွါစေသည့် (ရာဂ၊ ဒေါသ၊ မောဟ) တို့ကို ကုန်စေသည့် (ဓမ္မာနုပဿနာ)တရားတော် ကြီးပင်ဖြစ်နေ သောကြောင့် ဖြစ်ပါတော့၏။

ထို့ကြောင့် ကွယ်လွန်သွားခဲ့ကြသည့် မိဘ၊ ဘိုးဘွားများ၊ ဆွေမျိုးညာတကာများပင် မသိလိုက်ကြရသည့် အလွန်ကောင်းလှ၊ မွန်မြတ်လှပြီး၊ နားလည်လွယ်၍ (နိဗ္ဗာန်) ရောက်ကြောင်းနှင့် ဆီလျော်ပြီး လက်တွေ့ကျင့်နိုင်သည့် ဤ (ဓမ္မာ နုပဿနာ)တရားတော် ကို သူတော်ကောင်းတို့သည် ယခုအခါ ဖတ်ရှု နိုင်ကြရပြီဖြစ်ပါ၍ တစ်မဂ်၊ တစ်ဖိုလ်ရရှိနိုင်ကြရန် မခဲယဉ်းတော့ပြီ ဖြစ်ပါသောကြောင့် (နိဗ္ဗာန်) အကျိုးမျှော်၍ ကြိုးစား အားထုတ်တော်မူနိုင်ကြပါစေကြောင်း စေတနာကောင်းဖြင့် တရားတော်အား ပူဇော်လိုက်ရပါတော့သည်။