သောင်းပြောင်းထွေလာရေးချင်ရေးရာရာ

နန်းတွင်းမှာ အရူးထားရသလားလို့ စောဒက တက်ကောင်းတက်မိကြပါလိမ့်မယ်။ နန်းတွင်းအရူးဆိုတာ "Court Fool" ကို တိုက်ရိုက်ဘာသာပြန်လိုက်လို့ပါ။ အလယ်ခေတ်က ပဒေသရာဇ်တွေဟာ သူတို့ကို စိတ်နှလုံး ရွှင်ပြုံးအောင် ဖျော်ဖြေဖို့အတွက် အသုံးတော်ခံ သို့မဟုတ် နန်းတွင်းပျော်တော်ဆက် (Jester) ခန့်ထားလေ့ရှိပါတယ်။ မြန်မာရာဇဝင်မှာ ဘိုးတော်ဘုရားလက်ထက်ကရှိခဲ့တယ်ဆိုတဲ့ အမတ်ကြီး ဦးပေါ်ဦးလိုပေါ့။

“စကားရည်လုပွဲများအတွက် သတိပြုရန်အချက် ၂ဝ” နဲ့ “အသင်းဖျက်နည်း ၁ဝ မျိုး” “အတွင်းရေးမှူး၏ဒုက္ခ” “အင်္ဂလိပ် စကား ညှပ်ပြောခြင်း” စတဲ့ဆောင်းပါးများဟာလည်း လူငယ် လူကြီး နိုင်ငံရေးခေါင်းဆောင်များအနေနဲ့ အထူးသဖြင့် လိုက်နာမှတ်သားရမယ့်အချက်များကို တင်ပြထားတာ ဖြစ်ပါတယ်။

ဦးလေးလှရဲ့ “သောင်းပြောင်းထွေလာ ရေးချင်ရာရာ” မှာ အထက်ကဖော်ပြခဲ့တဲ့ လိုက်နာစရာ သုတများအပြင် ထင်ရှားကျော်ကြားတဲ့လူပုဂ္ဂိုလ်များရဲ့ အတ္ထုပ္ပတ္တိများ၊ အလေ့အထများ စသည်တို့ ပါဝင်တာကြောင့် လူငယ်တို့အတွက် လေ့လာ လိုက်နာစရာ အတုယူစရာများတဲ့ စာအုပ်တစ်အုပ်မို့ လူထု ကြီးပွားရေးစာအုပ်တိုက်က ဒုတိယအကြိမ် ပြန်လည်ထုတ်ဝေ လိုက်ရတာပါ။