ဘဝလမ်းနှစ်သွယ်

အကျဉ်းချုပ်

ကောင်းကံတို့က အထက်တန်းကျတဲ့ လူ့ဘဝ နတ်ဘဝများနဲ့ ပန်းခင်းထားတဲ့ လမ်းတို့ကို ဖန်တီးပေးကြလိမ့်မယ်။ ဆိုးကံတို့က အောက်တန်းကျတဲ့ အပါယ်ဘုံသားဘဝများနဲ့ ဆူးခင်းထားတဲ့လမ်း တို့ကို ဖန်တီးပေးကြလိမ့်မယ်။ လူတစ်ဦးစီဟာ ကောင်းကံ, ဆိုးကံပြုခွင့်ကို လွတ်လွတ်လပ်လပ် ရွေးချယ်နိုင်တာနဲ့အညီ မိမိရဲ့ သံသရာခရီးအတွက် အထက်တန်းကျ တဲ့ လမ်းနဲ့ အောက်တန်းကျတဲ့လမ်းတို့ကို လွတ်လွတ်လပ်လပ်ဖန်တီး ခွင့် ရှိပါတယ်။ လွတ်လပ်ပြီး တရားမျှတတဲ့ ကမ္မဝါဒအရ လူတစ်ဦးစီဟာမိမ နှစ်သက်တဲ့ ဘဝခရီးလမ်းကို မိမိကိုယ်တိုင် ဖန်တီးခွင့် ရှိပါတယ်။ ပန်းခင်းထားတဲ့ ဘဝခရီးလမ်းနဲ့ ဆူးခင်းထားတဲ့ဘဝခရီးလမ်း နှစ်သွယ်တို့မှာ ဘယ်ခရီးလမ်းကို သင် လျှောက်လှမ်းမလဲ။ ဆူးပြွမ်းတဲ့ လမ်းခရီးကို ရှောင်ရှားပြီး ပန်းခင်းတဲ့လမ်းခရီးကို ရွေးချယ်နိုင်ပါစေ။