ပုဂံဆက် ပုဂံခေတ် မြန်မာရာဇဝင် (အေဒီ ၁၀၄၄-၁၂၈၈)

အကျဉ်းချုပ်

Bagan Princess စာအုပ်တိုက်၏ စာအုပ်အမှတ် ၈ စာစဉ်အဖြစ် ဆရာကြီးဒေါက်တာသန်းထွန်း၏ “ပုဂံဆက်၊ ပုဂံခေတ် မြန်မာရာဇဝင် (အေဒီ ၁ဝ၄၄-၁၂၈၈)”စာအုပ်ကို ဂုဏ်ယူစွာ စီစဉ်တင်ဆက်လိုက်ပါသည်။ ပုဂံခေတ် မြန်မာနိုင်ငံရာဇဝင်ကို ရှေးရာဇဝင်ကျမ်းများမှ မဟုတ်ဘဲ ပုဂံခေတ် ကျောက်စာ၊ မင်စာများ၊ အုတ်ခွက်စာများနှင့် ပြည်တွင်း၊ ပြည်ပ သမိုင်း ဆရာများ၏ ကျမ်းများ၊ အသစ်ရှာဖွေသုတေသနပြုထားသော ရှားပါးမှတ်တမ်း များနှင့် ညှိနှိုင်းရေးသားထားသော သမိုင်းကျမ်းတစ်စောင် ဖြစ်ပါသည်။ ထို့ကြောင့် ပုဂံခေတ် ရာဇဝင်နှင့်ပတ်သက်၍ ဦးကုလားရာဇဝင်၊မှန်နန်းရာဇဝင်၊ တွင်းသင်းရာဇဝင် စသော ရှေးကျမ်းများနှင့် ကွဲလွဲသော သုတေသနအသစ် တွေ့ရှိချက်များဖြင့် ထုံမွမ်းနေသည်ကို တွေ့မြင်နိုင်ပါသည်။ အနာဂတ်မျိုးဆက်သစ် သုတေသီလူငယ်များအတွက်လည်း သုတေသန နည်းလမ်းများ၊ ဆက်လက် သုတေသနပြုစရာအချက်များကိုလည်း တွေ့ရှိရ မည်ဖြစ်ပါသည်။