စိတ်ကူးစိတ်သန်း

အကျဉ်းချုပ်

စိတ်ကူးစိတ်သန်း လူတွေဟာ ကိုယ်တော်သူညံ့ ဆိုတာမျိုး သုံးသပ်ကြရင်သာ မနှောင့်နှေးတတ်ကြပေမဲ့ ကိုယ်ညံ့သူတော် ဆိုတာမျိုး ထုတ်ဇော်ဖို့ရာမှာတော့ သတ္တိနည်းတတ်ကြပါတယ်။ သူရေးထားတဲ့ကျမ်းက ကိုယ့်ကျမ်းထက် ကောင်းတယ်။ သူ့အသံက ကိုယ့်အသံထက် ကောင်းတယ်။ သည်ခရီးက သူသွားရင် ပိုသင့်တော်တယ်။ အသင်းခေါင်းဆောင်က သူနဲ့မှ ပိုလိုက်ဖက်တယ်ဆိုတဲ့ လိပ်ပြာမျိုးတွေ နိုးနေဖို့ဆိုတာက တော်တော့ကို ခက်ပါတယ်။ ဒီနေရာမှာ ကိုယ်က ညံ့ပါတယ်လို့ ဘယ်နှခါများ စဉ်းစားမိခဲ့ကြတယ် မသိ။ တစ်ခါမှ မစဉ်းစားခဲ့ဘူးဆိုရင်ဖြင့် ခတ်ပဲခက်ရချည်ရဲ့။ အမြဲတမ်းကိုယ်က ကောင်းတယ်ဆိုတာ ရှိနိုင်ပါ့မလား။