လူထုဒေါ်အမာရဲ့ မိတ်ဆက်အမှားများ

အကျဉ်းချုပ်

အမေရေးခဲ့တဲ့ စာအုပ်မိတ်ဆက်အမှာတွေကို စုစည်းပြီး 'လူထုဒေါ်အမာရဲ့ မိတ်ဆက်အမှာများ' စာအုပ်ကို ထုတ်ဝေ လိုက်ပါတယ်။ မိတ်ဆက်အမှာတွေက လူထုကြီးပွားရေးစာအုပ်တိုက် ထုတ်စာအုပ်များနဲ့ အခြားစာအုပ်တိုက်များက ထုတ်ဝေတဲ့စာအုပ်တွေ မှာ ရေးခဲ့တာလေးတွေပါ။ မိတ်ဆက်အမှာ ရေးခဲ့တဲ့စာအုပ်တွေက ကဗျာ၊ ကာတွန်း၊ ခရီးသွား၊ ဂီတ၊ စာစုစာရင်း၊ ဆောင်းပါး၊ ပုံပြင်၊ ဘာသာရေး၊ ဘာသာပြန်၊ ဝတ္ထုတို၊ ဝတ္ထုရှည်၊ သမိုင်း၊ အဘိဓာန်နဲ့ အတ္ထုပ္ပတ္တိစာအုပ်များပဲ ဖြစ်ပါတယ်။ မိတ်ဆက်အမှာတွေကို ခုနှစ် သက္ကရာဇ်အလိုက် စီစဉ်ထားပါတယ်။ ‘မိတ်ဆက်အမှာများ' မှာ စာရေးသူနဲ့ စာအုပ်မှာပါဝင်တဲ့ အကြောင်းအရာ၊ နောက်ခံသမိုင်းနဲ့ ဒီစာအုပ်တွေကို ဘာကြောင့်ရိုက်နှိပ် ထုတ်ဝေခဲ့ရတယ်ဆိုတာတွေ ဖတ်ရှုရမှာဖြစ်သလို စာရေးသူအပေါ်စာအုပ်အပေါ် အမေ့ရဲ့အမြင် မှတ်ချက်၊ သဘောထားတွေကိုလည်း ဖတ်ရှုရမှာ ဖြစ်ပါတယ်။ “လူထုဒေါ်အမာရဲ့ မိတ်ဆက်အမှာများ” ကို အမေလူထု ဒေါ်အမာရဲ့ ၁၀၄ နှစ်ပြည့် မွေးနေ့အထိမ်းအမှတ်အဖြစ်နဲ့ ထုတ်ဝေ လိုက်ခြင်းပဲ ဖြစ်ပါတယ်။