ဓမ္မာစရိယမျက်ရှု

တစ်ပြည်လုံးနှင့်ပတ်သက်သော စာမေးပွဲတိုင်း၌ ပါဠိတော်, အဋ္ဌကထာ, ဋီကာများ၌လည်း မတွေ့နိုင်သော ဆရာအစဉ်အဆက် သုံးစွဲရိုးလည်းမရှိသော မိမိတစ်ဦးတည်းသာ နားလည်နိုင်သော ဝေါဟာရအသုံးများ သုံးစွဲခြင်းမှ ရှောင်သင့်ပါသည်။ ဓမ္မာစရိယစာမေးပွဲ, ပါဠိပထမပြန်စာမေးပွဲများကို နိုင်ငံ တော်အစိုးရက ပရိယတ္တိသာသနာ ထွန်းကားစေရန် ရည်သန်၍ ကျင်းပပေးနေ သဖြင့် မေးခွန်းများမှာလည်း “ပရိယတ္တိ သာသနာထွန်းကားစေရန်”ဟူသော ရည်ရွယ်ချက်နှင့် လျော်ညီစေသင့်ပါသည်။

ဤ “ဓမ္မာစရိယမျက်ရှ”ကျမ်းစာသည် ပရိယတ္တိသာသနာ ထွန်းကားရေး အတွက် ဖြည့်စွက်ကူညီရန် ပေါ်ထွက်လာခဲ့ပေပြီ၊ ကျမ်းစာရှင်သည် ဗဟုဿုတ စုံလင်ပြည့်ဝ၍ ၁၈-နှစ်ကျော်ကျော် စာချသက်ရှိပြီး ယခုလည်း စာချနေဆဲဖြစ် သည့် စာချအကျော်တစ်ဦးဖြစ်သဖြင့် ဓမ္မာစရိယစာမေးပွဲနှင့် မကင်းနိုင်ကြသော စာချ. စာသင် အရှင်မြတ်များအဖို့ အမြဲလက်စွဲပြုလျက် ကြည့်ရှုထိုက်သော “မျက်ရှုကျမ်းစာတစ်စောင်” ဖြစ်ကြောင်း စာရှုသူများအား မှာကြားလိုက်ပါရစေ။

ပန်းတိုင်းပွင့်၍ ပွင့်သောပန်းတိုင်း မွှေးကြပါစေ။