မြန်မာစာညွန့်ပေါင်းကျမ်း (ဒုတိယတွဲ)

အကျဉ်းချုပ်

မြန်မာစာညွန့်ပေါင်းကျမ်း ဒုတိယတွဲသည် မူလထုတ်ဝေခဲ့သော မြန်မာစာညွန့် ပေါင်းကျမ်း လေးတွဲအနက် စာမျက်နှာအများဆုံးနှင့် သီချင်းကဗျာ အမျိုးအမည်အများ ဆုံးအတွဲ ဖြစ်ပါသည်။ ထို့ကြောင့် တည်းဖြတ်ရာတွင် ယခင်တည်းဖြတ်ခဲ့သော ပထမတွဲနှင့် မတူ ပိုမို ခက်ခဲ လက်ဝင်ပါသည်။ ထို့ကြောင့် ပိုမို၍ ဂရုတစိုက်လုပ်ဆောင်ခဲ့ရပါသည်။ ဤသို့ ဆောင်ရွက်သည့်ကြားမှ တည်းဖြတ်သည့်အပိုင်း၌ မတော်တဆ ချွတ်ချော်မှုရှိခဲ့သော် တည်းဖြတ်သူ၏ တာဝန်သာ ဖြစ်ပါသည်။ တွေ့ရှိသည့် စာပေပညာရှင်များ၊ ဝါသနာရှင် များက စေတနာကောင်းဖြင့် ထောက်ပြနိုင်ကြပါသည်။ ။ ဦးမြင့်ကြည် ကျွမ်းကျင်ပညာရှင် မြန်မာစာအဖွဲ့ဦးစီးဌာန