သုံးခါနမ်းမှပွင့်မယ့်ပန်း

"သုံးခါနမ်းမှပွင့်မယ့်ပန်း" ဝတ္ထုသည် ကံ၊ ဉာဏ်၊ ဝီရိယ ဟူသော ယုံကြည်ချက်ကိုယ်စီရှိကြသည့် သူငယ်ချင်း သုံးယောက်အကြောင်းကို အဓိကထား ရေးဖွဲ့ထားခြင်းဖြစ်ပါသည်။ ဝတ္ထုအစတွင် အတန်းပိုင်ဆရာ ဦးခန့်နောင်က အောင်မြင်မှုအတွက် ကံ၊ ဉာဏ်၊ ဝီရိယ သုံးခုစလုံး ပေါင်းစပ်ရန် လိုအပ်ကြောင်း ပုံပြင်ဖြင့် သင်ခန်းစာပေးခဲ့သော်လည်း၊ ကျောင်းသားများဖြစ်ကြသည့် ကံထူးက ကံကိုသာယုံကြည်ပြီး၊ ဉာဏ်ထူးက ဉာဏ်ကိုသာ အားကိုးကာ၊ ဇွဲထူးက ဝီရိယရှိလျှင် ဖြစ်သည်ဟု အသီးသီး အစွဲအလမ်းကြီးစွာ ယုံကြည်နေကြပါသည်။ ၎င်းတို့ သုံးဦးသည် တက္ကသိုလ်ဝင်တန်း စာမေးပွဲကို မိမိတို့၏ သက်ဆိုင်ရာ ယုံကြည်ချက်များအတိုင်း ပြင်ဆင်ဖြေဆိုရန် ကြိုးစားကြပုံနှင့် ၎င်းတို့ကြားရှိ သူငယ်ချင်းသံယောဇဉ်၊ မေဝသန်ဆိုသည့် မိန်းကလေးတစ်ဦးနှင့် ပတ်သက်သော လူငယ်ဘဝ အမှတ်တရပုံရိပ်များကို အခန်းဆက်များဖြင့် စိတ်ဝင်စားဖွယ် ဖော်ပြထားသော ဇာတ်လမ်းတစ်ပုဒ်ဖြစ်ပါသည်။

"မိန်းကလေးတွေ လမ်းလျောက်တဲ့အခါ ဘာသီအိုရီကို အသုံးပြုကြသလဲ ..."