ကပ္ပိယသင်တန်း

အရှင်အဘယာလင်္ကာရ (မဟာဝိဟာရဝါသီ)

အနေဖြင့် “ဝိနည်းအကြောင်း” ခေါင်းစဉ်ဖြင့် ဒွါဒသမမြောက် ရွှေကျင် သာသနာပိုင် ဖြစ်တော်မူတဲ့ ရွှေဟင်္သာဆရာတော်ဘုရားကြီး ဆောင်းပါး ရေးသားတော်မူကြောင်း မှတ်သားဖူးပါတယ်။ ထိုခေတ်ကလူများ ဝိနည်း ဗဟုသုတများ အလွန်ရရှိကြတယ်လို့ သိရပါတယ်။

ဒီဘက်ခေတ်မှာ ဝိနည်းတတ်သိနားလည်တဲ့ ဒကာဒကာမများ နည်းလာတာကို တွေ့ရပါတယ်။ လူတွေ ဝိနည်းနားလည်ရင် ရဟန်းသံဃာ များ သီလစင်စင်ကြယ်ကြယ်နဲ့ ပရိယတ် ပဋိပတ် လုပ်နိုင်လိမ့်မယ်လို့ မျှော်တွေးမိပါတယ်။

ဒီ“ကပ္ပိယသင်တန်း”စာအုပ်က ဒကာဒကာမတို့အတွက် ရဟန်းတော် များကို ကိုးကွယ်ဆည်းကပ်ရာမှာ အပြစ်မဖြစ်ရအောင် အထောက်အပံ့ ပေးနိုင်ပါလိမ့်မယ်။

သီလစင်ကြယ်စွာဖြင့် ဆရာ ဒကာ သာသနာ့တာဝန်များ ထမ်းဆောင် နိုင်ကြပါစေ။