မြတ်ဗုဒ္ဓ၏ သင်ကြားနည်းအကြောင်း တစေ့တစောင်း

အကျဉ်းချုပ်

" ယုံကြည်မှ ရဲရင့်သည်ဆိုသည့်အတိုင်း ကလေးငယ်များအား ဆုံးဖြတ်ခွင့်ပေးကာ သင်ကြားရမည်ဖြစ်သည်။ ကျွန်ုပ်တို့ ခေတ်ကာလတွင်ကား မယုံမရဲဆိုသလို ဆုံးဖြတ်ခွင့်လည်း မရှိ၊ ယုံကြည်ချက်လည်း မရှိ၊ ရဲရင့်မှုလည်း မရှိဘဲနှင့် ကြီးပြင်းခဲ့ရသည်။ ကြီးသောအခါတွင်လည်း ကိုယ်ပိုင်ဆုံးဖြတ်ချက်များချရန် မယုံမရဲ ဖြစ်ရပြန်သည်။ ပညာလည်း မရဲရင့် ပွဲလယ်တွင်လည်း မတင့်ခဲ့ရပေ။ သို့သော်ငြားလည်း ကျွန်ုပ်တို့၏ မျိုးဆက်များကိုတော့ ကျွန်ုပ်တို့ကဲ့သို့ အဖြစ်မ်ခံဘဲ ယုံကြည်ရဲရင့် ပွဲလယ်တင့်အောင် ကြိုးစားအားထုတ်ရမည်တကား ....။