သတိဆိုတဲ့နေအိမ်

အကျဉ်းချုပ်

သတိဆိုတာ စိတ်ရဲ့နေအိမ်ပါပဲ။ သတိမရှိတဲ့စိတ်ဟာ အိမ်မရှိတဲ့လူလိုပဲ ခြေဦး တည့်ရာ လျှောက်သွားနေတတ်တယ်။ ကြံ့ရာမှာနေတတ်တယ်။ တည်ငြိမ်မှု၊ အေးချမ်းမှု၊ လုံခြုံမှု မရှိဘူး။ ဂုဏ်သိက္ခာ မရှိဘူး။“ ဗုဒ္ဓ၏ရင်ခွင်မှာ ” တရားဟာ ဆရာတော်ရဲ့တပည့်တစ်ယောက်က ရေးခဲ့တဲ့ စာအုပ်ထဲက အကြောင်းအရာကို အခြေခံပြီး ဟောခဲ့တဲ့ တရားဖြစ်ပါတယ်။ သူ့ဘဝမှာ အဆင်မပြေမှုတွေ ဒုက္ခတွေ အများကြီးရှိလျက်နဲ့ ငြိမ်းချမ်းအောင် နေနိုင်တဲ့ တပည့်အတွက် အားရလှပါတယ်။ အားလုံးအဆင်ပြေနေမှ စိတ်ချမ်းသာမယ်ဆိုရင်တော့ ဒီတစ်သက် စိတ်ချမ်းသာဖို့ မလွယ်တော့ဘူး။ အဆင်မပြေမှုတွေ ရှိနေပါလျက်နဲ့ စိတ်ချမ်းသာအောင်နေတတ်မှ တကယ်စိတ်ချမ်းသာအောင် နေတတ်တဲ့သူဖြစ်မယ်။ စိတ်ချမ်းသာအောင် နေတတ်ကြ ပါစေ။