မြန်မာသဒ္ဒါသင်ကြားရေး

အကျဉ်းချုပ်

မြန်မာသဒ္ဒါစာအုပ်များတွင် သဒ္ဒါဆိုင်ရာဝေါဟာရများ၊ သဘောတရား နည်းနာများကို ရှင်းလင်းဖွင့်ဆိုသည့်အပိုင်းက သဒ္ဒါနည်းနှင့်အတူ မှန်မှန် ကန်ကန် စာရေးတတ်စေရန် လေ့ကျင့် လမ်းညွှန်သည့် အပိုင်းထက် ပိုများ နေသည့်အတွက် သင်ကြားသည့် ဆရာ၊ ဆရာမများအတွက်ရော သင်ယူသည့် ကျောင်းသား ကျောင်းသူများအတွက်ပါ အခက်အခဲရှိကြောင်း ဝေဖန်ဆွေးနွေးကြသည့် အသံ များကို မကြာခဏ ကြားရပါသည်။ ထို့ကြောင့် ခေတ်အဆက်ဆက် မြန်မာသဒ္ဒါ သင်ကြားခဲ့သည့် အစဉ်အလာကို ခြေရာခံလျက် သဒ္ဒါသင်ကြားရေး၏ လက်ရှိအနေအထားကို လေ့လာသုံးသပ်ခြင်းဖြင့် သဒ္ဒါသင်ကြားရေးအတွက် တစ်နည်းတစ်လမ်း အထောက်အကူ ဖြစ်နိုင်လိမ့်မည်ဟူသော ခံယူချက်ဖြင့် ဤဆောင်းပါးစဉ်ကို ရေးသားခြင်းဖြစ်ပါသည်။