တောင်တန်းများကိုပင် ပေါ့ပါးစေသည့် မိုးကောင်းကင် သမီးသို့ပေးစာများ

အကျဉ်းချုပ်

“တောင်တန်းများကိုပင် ပေါ့ပါးစေသည့် မိုးကောင်းကင်”အမည် ဖြင့် စာတစ်အုပ် ရေးဖြစ်ခဲ့ပြန်ပါသည်။ ဆောင်းပါး (၁ဝ) ပုဒ်လောက်ကို Beauty မဂ္ဂဇင်းမှာပဲ ကျွန်တော် ရေးဖြစ်ခဲ့သည်။ ဆယ်ကျော်သက်အရွယ် သမီးတစ်ယောက် ကို ပေးစာပုံစံဖြင့် ရေးခဲ့သည့် ဆောင်းပါးများဖြစ်သည်။ ကျွန်တော်ရေးစဉ်က ကဏ္ဍ ငါးခုရေးရန် စဉ်းစားထားခဲ့သည်။ သို့သော် သည်စာအုပ်မှာတော့ ကဏ္ဍသုံးခုသာ ပါပါသည်။ စာအုပ်ကိုလည်း ငဲ့ရသေးသည်ဖြစ်ရာ နောင်အကြောင်းဆိုက်လျှင် ရေး နိုင်ရန်သာရှိသည်။ သည်စာအုပ်အတွက် ကျွန်တော်ဖတ်ဖြစ်သည့် စာအုပ်များတွင် နာနာလီကလေတင် (Nanalee Clayton) ၏ 'Young Living' လည်း ပါသည်။ သည်စာအုပ်က သူတို့ဆီမှာတော့ ပေါ့ပေါ့ပါးပါး ထိထိရောက်ရောက် ဖတ်နိုင်ရန် ရုပ်ပုံ၊ ဓာတ်ပုံများဖြင့် ထုတ်ဝေသည့် စာအုပ်ဖြစ်သည်။ ကျွန်တော့်ဘဝအတွေ့အကြုံ ဆရာကြီးရွှေဥဒေါင်း၊ ဆရာကြီး ဒဂုန်ရွှေများ၊ ဆရာမြသန်းတင့်၊ ဆရာသိန်းဖေမြင့် တို့၏ ဘဝအတွေ့အကြုံတွေကို ရောမွှေကာ မြန်မာလူငယ်တို့ဖတ်ချင်စဖွယ်ဖြစ်အောင် ကျွန်တော် လုံးပမ်းထားပါသည်။