ကျောင်းကန်အနီးမှ မြန်မာပုံပြင်များ (ပထမတွဲ)

အကျဉ်းချုပ်

ဆရာတော်ကြီးများ၊ ဘုန်းတော်ကြီးများနှင့် ဦးပဉ္စင်း များသည် တပည့်ကိုရင် ကျောင်းသားကလေးများအား ရှေးစကားပုံပြင်များ ပြောပြလေ့ရှိကြသည်။ ဆရာတော်ကြီး များအား ညဉ့်ဦးပိုင်းအချိန် တံတောင်ဖြင့် ကြိတ်ကာ ဝတ်ပြုပေးရချိန်တွင် ကိုရင်ကလေး ကျောင်းသားကလေး များသည် ရှေးစကားပုံပြင်များစွာကို ကြားကြရသည်။ ထိုရှေး စကားများမှာ ဇာတ်နိပါတ်များထဲကနည်း၍ ဆရာတော် ကြီးများငယ်စဉ်က မှတ်သားထားသည်များနှင့် အချို့မှာဆရာတော်ကြီးများကိုယ်တိုင် တီထွင်ပြောကြသည်များ ဖြစ်ဟန်တူပေ သည်။ များသောအားဖြင့် ဟာသပုံပြင်များ ဖြစ်သောကြောင့် ကလေး များသာ ဖြစ်ကြသည့် ကိုရင်ကလေး ကျောင်းသားကလေးများက အလွန်ကြိုက်ကြသည်။