နွမ်းလျမာလာ ဝိုးတဝါး အနာဂတ်နှင့် ပါတော်မူပြီးစ မန္တလေး (၁၈၈၆-၁၈၉၆)

အကျဉ်းချုပ်

မြန်မာစာပေလောကတွင် ပါတော်မူပြီး နောက်ပိုင်းကာလအကြောင်း ရေးသား ထားသည့် သမိုင်းစာအုပ် ဟူ၍ အရေအတွက် ရှားပါးလှပါသည်။ အနောက်တိုင်းသား စာရေးဆရာတို့၏ စာအုပ်အချို့ ရှိသော်လည်း သမိုင်းအချက်အလက်ကအစ စိတ်မချရ။ ထို့ပြင် နယ်ချဲ့ ကိုလိုနီတို့ဘက်က ဇောင်းပေး ရေးသားထားသော စာအုပ်များသာ ဖြစ်၏။ ယခု တင်နိုင်တိုး၏ စာအုပ်က လိုနေသော သမိုင်းကွက်လပ်ကို ဖြည့်စွက်ပေးသဖြင့် ဝမ်းမြောက်ဝမ်းသာ ဖြစ်မိပါသည်။ ပို၍ ထူးခြားသည်က သူ၏ စာအုပ်တွင် ရှားပါး၍ လူသိနည်းလှသော သမိုင်းအချက်အလက်ပေါင်း များစွာကို ထည့်သွင်း ရေးသားထားခြင်း ပင် ဖြစ်၏။ တင်နိုင်တိုးသည် အလုပ်အကိုင်နှင့် ဝါသနာ တခြားစီ ဖြစ်နေသော်လည်း ကျွမ်းကျင် ရာ လိမ္မာ ဆိုသကဲ့သို့ သူ ဝါသနာပါရာ သမိုင်းဘာသာရပ်ဆိုင်ရာ လေ့လာ ကြိုးပမ်းချက် များကို သူ၏ စာအုပ်တွင် တွေ့မြင်နိုင်ပါသည်။ ဤ နွမ်းလျမာလာ၊ ဝိုးတဝါး အနာဂတ်နှင့် ပါတော်မူပြီးစ မန္တလေး” စာအုပ်သည် သမိုင်းအချက်အလက် အမှန်များကို အခြေခံ၍ အလင်းသစ်စာပေ စိတ်ဝင်စားဖွယ် ဖြစ်အောင် ရေးသားထားရာ စာဖတ်သူတို့အား ကျေနပ်နှစ်သိမ့်မှု အပြည့် အဝ ရရှိစေမည်မှာ အမှန်ပင် ဖြစ်ပါသည်။ ကျော်ငြိမ်း တက္ကသိုလ်များ သမိုင်းသုတေသနဦးစီးဌာန