ဗိုလ်ချုပ်အောင်ဆန်း (ဗမာလွတ်လပ်ရေးဗိသုကာ)

ကိုယ့်မင်းကိုယ့်ချင်း ဘဝမှ ဗြိတိသျှလက်အောက်ခံ ကိုလိုနီနိုင်ငံ ဖြစ်ခဲ့သော ဗမာပြည် ရာဇဝင်မှ ၁၂၄ရ ခုနှစ်၏ သည်ဘက်ပိုင်းတွင် ဗမာတိုင်းရင်းသား လူထုအတွက် အလွန်အလှမ်းဝေးသော ပန်းတိုင်တစ်ခု ဖြစ်သည့် လွတ်လပ်ရေးဆုထူးကို တိုတောင်းလှသော အချိန်ကာလအတွင်း အောင်မြင်စွာ လှမ်းဆွတ်နိုင်ရေးတွင် ဗိုလ်ချုပ်အောင်ဆန်းမည်သော ပုဂ္ဂိုလ်က လူထု၏ရှေ့မှ မားမားမတ်မတ်နေ၍ ရွပ်ရွပ်ချွံချွံ အသက်ပေး တိုက်ခိုက်ခဲ့ပေသည်။

ဗိုလ်ချုပ်အောင်ဆန်းကား ဗမာ့လွတ်လပ်ရေးဗိမာန်ကြီးကို မွမ်းမံ တည်ဆောက်ရာ၌ ဦးစီးခေါင်းဆောင်သည် ဗိသုကာဆရာကြီး ဖြစ်ခဲ့သည်။