မိုရေးဗီးယား၏ ဝတ္ထုတိုများပေါင်းချုပ်

အကျဉ်းချုပ်

မိမိသည် မိုရေးဗီးယား၏ စာများကို နှစ်သက်သဖြင့် ဝတ္ထုရှည် တစ်ပုဒ်နှင့် ဝတ္ထုတိုများကို ဘာသာပြန်ဆိုခဲ့သည်။ ရောမက မိန်းမပျက်(THE WOMAN OF ROME) ဝတ္ထုရှည်ကို ၁၉၆၄ နိုဝင်ဘာတွင် ပုဂံစာအုပ်တိုက်က ပထမ အကြိမ် ထုတ်ဝေခဲ့သည်။ ရင်သွေး (THE BABY) ဝတ္ထုတိုကို ၁၉၆၃ မေလထုတ် နဝဒေး မဂ္ဂဇင်းတွင် ဖော်ပြခဲ့သည်။ မိုရေးဗီးယား၏ ဝတ္ထုတို ၂ဝ ကို စုစည်းကာ “မိုရေးဗီးယား ၏ ဝတ္ထုတိုများ” အမည်ဖြင့် ၁၉၉၂ ခုနှစ် စက်တင်ဘာလတွင် ဘဝတက္ကသိုလ်စာပေမှ ထုတ်ဝေခဲ့သည်။ ထို့နောက် သူ၏ဝတ္ထုတို ရှစ်ပုဒ်ကို စုစည်းကာ “မိုရေးဗီးယား ဝတ္ထုတိုများ” အမည်ဖြင့် ၂ဝဝ၁ ခုနှစ် အောက်တိုဘာလတွင် မုံရွေးစာပေမှ လည်းကောင်း၊ ထို့နောက် သူ၏ ဝတ္ထုတိုကိုးပုဒ်ကို ထပ်မံစုစည်းကာ “မိုရေးဗီးယား ၏ အတိုင်းအတာနှင့် အခြားဝတ္ထုတိုများ”အမည်ဖြင့် ၂ဝဝ၂ ခုနှစ် စက်တင်ဘာလတွင် ချန်ပီယံ ပေါ်ဆန်းမွှေးစာပေမှ လည်းကောင်း ထုတ်ဝေခဲ့သည်။ ယင်းသို့ဖြင့် မိုရေးဗီးယား၏ ဝတ္ထုတို ၃၇ ပုဒ်ကို ၁ဝ နှစ်အတွင်းတွင် စာပေတိုက်သုံးတိုက်က “ဝတ္ထုတိုစုစည်း”စာအုပ်သုံးအုပ် ထုတ်ဝေခဲ့သည်။