လွတ်လပ်သောစိတ်

အကျဉ်းချုပ်

တစ်နေရာရာမှာ တစ်ယောက်ယောက်က ဒီစာကိုဖတ်ပြီး ကိုယ့် ဥာဏ်နဲ့ကိုယ် ဂုဏ်သိက္ခာရှိတဲ့ လွတ်လပ်တဲ့ဘဝကို ဖန်တီးပြီး နေသွား တယ်ဆိုရင် ကျေနပ်ပါပြီ။ ဒီစာအုပ်ကို ဖတ်ရလို့ စိတ်ဆင်းရဲသွားတဲ့သူလည်း ရှိလိမ့်မယ်လို့ တွေးမိပါတယ်။ အဲဒီလို စိတ်ဆင်းရဲသွားလို့ ဘုန်းကြီးကို မကျေမနပ် ဖြစ်ချင်လည်း ဖြစ်နိုင်တယ်။ မကျေမနပ်ဖြစ်တယ်ဆိုရင် ဘုန်းကြီးအဲဒါကို နားလည်ပါတယ်လို့ ကြိုတင်ပြီး ပြောပါရစေ။ လူတွေကို အိပ်ပျော်အောင်ချော့သိပ်တဲ့သီချင်း ဆိုနေရုံနဲ့ မပြီး သေးပါဘူး။ နိုးအောင်ဆိုတဲ့သီချင်းလည်း ဆိုရအုံးမယ်။ အိပ်ရေးပျက် အောင် လုပ်တယ်လို့ မထင်ပါနဲ့။ မိုးစင်စင်လင်းနေပြီ။ ထပါတော့။