ဗုဒ္ဓဘာသာ နှင့် ကျွန်တော်

အကျဉ်းချုပ်

“ဗုဒ္ဓဘာသာနှင့်ကျွန်တော်”စာအုပ်ကို ရေးပြီးသောအခါ ကျန်းမာရေးက သိပ်မကောင်း၍ မြန်မြန်ထုတ်ချင်သည်။ ကိုယ်နှင့် ဆရာရင်း၊ ဒကာရင်း ကိုးကွယ်ဆည်းကပ်သော သံဃာများရှိပါ သည်။ အထူးသဖြင့် ဝိပဿနာတရားဘာဝနာ ပွားများအားထုတ်ရာ သာသနာ့ရိပ်သာများမှ ဆရာတော်များဖြစ်သည်။ စာအုပ်ကို အချောပြည့်စုံအောင်ပြုစုပြီးသည်နှင့် ရွှေမြင့်မိုရ် မိုးကုတ်ဝိပဿနာရိပ်သာဆရာတော်၊ ချမ်းမြေ့မြိုင်ဝိပဿနာရိပ်သာ ဆရာတော်၊ သာမဏေကျော်လှော်ကားဝိပဿနာရိပ်သာဆရာတော် တို့ထံ မိတ္တူသုံးခုကူးပြီး ပေးပို့သည်။ ဖတ်ကြည့်ပြီး လိုအပ်သည်တွေ့လျှင် ပြုပြင်ပေးပါ၊ အမှာစာ လည်း ရေးသားပေးပါဟု တောင်းပန်သည်။ ဆရာတော်သုံးပါးမှ တရားရိပ်သာများ၊ တရားပွဲများ၊ ကထိန်ပွဲများနှင့် အလုပ်များနေကြချိန်ဖြစ်သည်။ အမြန်ရချင်သည်ဟု လည်း ဆန္ဒပြုမိသည်။