ခရီုးသွားခြင်း အသီးအပွင့်များ

အကျဉ်းချုပ်

ခရီးသွားခြင်းအသီးအပွင့်များစာအုပ် ထုတ်ဝေတော့မယ် ဆိုတော့ လူထု ဒေါ်အမာကို ထူးထူးလည်လည် သတိရမိတော့တာကလား။ ဒကာမကြီးသာ ရှိရင်တော့ ဒီစာအုပ်အတွက် အမှာစာ ရေးပေးဦးမှာ အသေအချာပေါ့။ လက်က မရေးနိုင်တောင်မှ နှုတ်က ပြောပြီး တစ်ယောက်ယောက်ကို လိုက်အရေးခိုင်းပါလိမ့်မယ်။ စာရေးချင်သူဆိုရင် အမြဲ လက်ကမ်းကြိုဆို လေ့ရှိတာ ဟုတ်လား။ ကလောင်တစ်ချောင်း ရှင်ရှင်သန်သန် ဖွံ့ဖွံ့ဖြိုးဖြိုး ဖြစ်ဖို့အတွက် အမြဲ အားပေးလေ့ ရှိတာ ဟုတ်လား။ စာတွေဖတ်တော့ အသိအမြင်တွေ ကျယ်လာတယ်၊ အကြောက် တရား နည်းလာတယ်၊ သတ္တိရှိလာတယ်၊ အမှန်တရားကို မြတ်နိုးလာ တယ်၊ လူဖြစ်ရခြင်းရဲ့ အနှစ်သာရကို သိလာတယ်၊ တိုင်းပြည်အတွက် အသက်ပေးချင်စိတ်တွေ ဖြစ်လာတယ်။