ဒီမိုကရေစီသို့ နှစ် ၆၀ Contemporary History of South Korea 60 Years

၁၉၈၇ ဇွန် ဒီမိုကရေစီရေးလှုပ်ရှားမှုကြီးအထိ ခေတ်ပြိုင်အမျိုးသားသမိုင်းကို လေ့လာဖို့ မလွယ်ကူခဲ့ဘူး။ ကိုရီးယားကျွန်းဆွယ်ဟာ ကာလရှည်လျားစွာ ကွန်မြူနစ် ဆန့်ကျင်ရေးအတွေးအခေါ် တည်ဆောက်ပြီး စစ်အေးတိုက်ပွဲ ဆင်နွှဲတဲ့ ဩဇာအောက်ပြားပြားမှောက်နေရတဲ့ အတွေးအခေါ်စစ်ပွဲ ဆင်နွဲရာအလွန်ပြင်းထန်တဲ့ စစ်မြေပြင်ဖြစ်ခဲ့ရတယ်။ ခေတ်ပြိုင်သမိုင်း ပြုစုရေးအတွက် သတင်းအရင်းအမြစ် များများစားစားမရှိဘူး။ အလွယ်တကူ သဘောပေါက်ဖို့လည်း မလွယ်ဘူး။ လူငယ်သုတေသီတွေဟာ ခေတ်ပြိုင်သမိုင်းကို သုတေသနပြုလုပ်ဖို့ ရှေ့ဆောင် ကြတယ်။ ဒါပေမဲ့ လွတ်မြောက်ရေး ကာလအလွန် (၃) နှစ်တာ သမိုင်းကို လေ့လာနိုင်ခြင်းမှတစ်ပါး ကျန်ခဲ့တဲ့ အလယ်ပိုင်းကာလ အခြေအနေကို လေ့လာဖို့ခက်ခဲတယ်။ ၂ဝဝ၅ ခုနှစ်မှာ အမျိုးသားလွတ်မြောက်ရေး ( ၆၀ ) ကြိမ်မြောက် နှစ်ပတ်လည် အခမ်းအနားကျင်းပတယ်။ အဲဒီ အခမ်းအနားမှာ တောင်ကိုရီးယားဟာ ဒီမိုကရေစီရေးနဲ့ စီးပွားရေး (၂) ရပ်စလုံး တပြိုင်နက်အောင်မြင်မှုအတွက် အောင်ပွဲ ကျင်းပခြင်းဖြစ်တယ်။ ယခုအထိတောင်ကိုရီးယား နိုင်ငံသားတွေနဲ့ နိုင်ငံခြားသားတွေအတွက် တောင်ကိုရီးယား ခေတ်ပြိုင်သမိုင်းအပေါ် အားလုံး ထပ်တူထပ်မျှ ရှုမြင်သုံးသပ်နိုင်ဖို့မလွယ်ကူဘူး ဒီစာအုပ်ဟာတစုံတစ်ရာ အကူအညီ ပေးနိုင်မယ်လို့ ကျနော်ယုံကြည် မျှော်လင့်မိပါတယ်။