ဗုဒ္ဓကျမ်းလာ နတ်ဒေဝါများ

အကျဉ်းချုပ်

နတ်ပြည်က ကာမဂုဏ်အာရုံတွေကို လုံခြုံအောင် ကာကွယ်ပြီး ကုသိုလ်တရားများကို ဆက်လက် ပွားများအားထုတ်နိုင်အောင် ဤလူ့ပြည် က မည်မျှ အတိုင်းအတာအထိ ပါရမီကုသိုလ်များကို ထူထောင်သွားရန် သတိပေးလိုခြင်း၊ ကာမဂုဏ်အာရုံ နည်းပါးလှသည့် ဗြဟ္မာ့ပြည်သို့ ရောက်သွားစေ ကာမူ အရိယာဗြဟ္မာ မဟုတ်ဘဲ တိဟိတ်ပုထုဇဉ် ဗြဟ္မာဖြစ်ပါက တစ်မဂ် တစ်ဖိုလ်ရဖို့ စိတ်မချရဘဲ အောက်သုဂတိဘုံများမှတစ်ဆင့် အပါယ် လေးဘုံအထိ ကျရောက်နိုင်ပုံကို သိစေလိုခြင်း၊ လူ့ပြည်က ရဟန္တာပုဂ္ဂိုလ်များမှတစ်ပါး ဒါန၊ သီလ၊ သမထ ဘာဝနာ၊ ဝိပဿနာဘာဝနာ ဟူသော ကာမာဝစရ ကုသိုလ်ရှင်များ၊ ဈာန်ရကုသိုလ်ရှင်နှင့် အောက်မဂ်သုံးပါးကုသိုလ်ရှင်တို့မှာ တမလွန်ဘဝတွင် နတ်ပြည်၊ ဗြဟ္မာ့ပြည်များသို့ အများအားဖြင့် ရောက်ကြရမည်ဖြစ်ရာ မရောက်မီ ထိုဘုံများအကြောင်းတို့ကို သိထားစေလိုခြင်း ဟူသော ဆန္ဒမွန် ဖြင့် ဤစာအုပ်ကို ရေးသားပြုစုရခြင်း ဖြစ်ပါသည်။