ဗုဒ္ဓ၏အဘိဓမ္မာဝတ္ထုတော်ကြီး

အကျဉ်းချုပ်

အဘိဓမ္မာဟူသည် မာတိကာ၊ ဓာတုကထာ၊ ပုဂ္ဂလပညတ်၊ ကထာ ဝတ္ထု၊ ယမိုက်၊ ပဋ္ဌာန်းဟူ၍ ဟောကြားတော်မူသော ဒေသနာတော်များ ပင် ဖြစ်သည်။ ယင်းခုနစ်ကျမ်း၌ ဟောတော်မူအပ်သော အနှစ်သာရသဘောတရားများဖြစ်သော စိတ်၊ စေတသိက်၊ ရုပ်၊ နိဗ္ဗာန်နှင့် ပညတ် တရားများပေတည်း။ ထို စိတ်၊ စေတသိက်၊ ရုပ်၊ နိဗ္ဗာန်နှင့် ပညတ်ဟု ဆိုအပ်သော အဘိဓမ္မာတရားများကို သူ့ကဏ္ဍအလိုက် ပိုင်းခြားဝေဖန်ပြီး ဝတ္ထုဇာတ် ကြောင်းဖွဲ့ကာ ရေးသားထားရကား စာရှုသူအဖို့ အဘိဓမ္မာအရသာကို မြည်းစားရပေမည်။ ဤသို့လျှင် ပေမူမှသည် လက်ရေးမူအဖြစ်သို့ ကူးယူရခြင်း၊ လက်ရေးမူမှ လက်နှိပ်စာမူသို့ တစ်ဆင့်ကူးပြောင်းပြီး ပုံနှိပ်စာအဖြစ်သို့ ရောက်ရှိအောင် ကျွန်ုပ်တို့ ကာယသုခပုံနှိပ်တိုက်က အမှားအယွင်း ကင်း လွတ်စေပြီး မင်ကျမင်န သေသပ်ကျနစွာဖြင့် စက်တင်ပုံနှိပ် ဖြန့်ချိလိုက် ရပါသည်။