ကာရာမာဇော့ ညီအစ်ကိုများ THE BROTHERS KARAMAZOV

မူရင်းစာရေးသူ ရုရှစာရေးဆရာကြီး ဒေါ့စတာယက်စကီ ကို ၁၈၂၁ ခုနှစ်တွင် မော်စကိုမြို့၌ မွေးဖွားခဲ့သည်။ ၁၈၄၉ ခုနှစ်တွင် ပီထရာရှက်စကီ အုပ်စုဝင်တစ်ဦးအဖြစ် အဖမ်းခံရပြီး အဓိကတရားခံများဖြစ်၍ သေဒဏ်အပေးခံရသည်။ ဆီမျိုနော့စကီရင်ပြင်တွင် သေဒဏ်အမိန့်ဖတ်ပြကာ ကွပ်မျက်တော့မည့်ဆဲဆဲ နောက်ဆုံး “ပစ်” ဟူသောအမိန့် ပေးခါနီးတွင်မှ လွတ်ငြိမ်းခွင့်အမိန့် ရောက်လာကာ ပြန်လည်ရှင်သန်ခဲ့ရသူ ဖြစ်သည်။ နှစ်ပေါင်း ၃ဝ နီးပါးကြာပြီးမှ “ကာရာမာဇော့ညီအစ်ကိုများ” ကို စတင်ရေးသားခဲ့ပြီး ၁၈၈ဝ ပြည့်နှစ်တွင် စာအုပ်အဖြစ် ထုတ်ဝေနိုင်ခဲ့သည်။ သူ၏ နောက်ဆုံးစာအုပ်နှင့် အထင်ရှားအအောင်မြင်ဆုံး စာအုပ်တစ်အုပ် ဖြစ်ခဲ့သည်။

အခြားထင်ရှားသည့် သူ့စာအုပ်တစ်အုပ်မှာ” ပြစ်မှုနှင့်ပြစ်ဒဏ်” ဖြစ်သည်။