ဗုဒ္ဓနိုင်ငံတော် (ပထမတွဲ)

ဤယောဂီပုံနှိပ်တိုက်၌ ဆက်လက် ရိုက်နှိပ်ရာတွင် ဤစာအုပ်ဖြစ်မြောက်ရေး အတွက် စာရွက်စာတမ်းစသည် အဖက်ဖက်မှ အားပေးထောက်ပံ့လာခဲ့သော ဖျာပုံမြို့၊ မြန်မာညွန့်ဆန်စက်နှင့် ရန်ကုန်မြို့ သင်ဘရားသားထရေဒင်လီမိတက်ပိုင် ဒကာဦးဘသင် ကပင် ဘုန်းကြီး၏ သာသနာရေး, သာသနာမှုလုပ်ငန်းများ၌ ဝန်ထမ်း ဒကာတစ်ဦးဖြစ်သည့် အတိုင်း တာဝန်ယူကာ လိုသောဘက်မှ ဆောင်ရွက်အားထုတ်ခြင်းဖြင့် ရည်ရွယ်သော အတိုင်း ဤဗုဒ္ဓနိုင်ငံတော် ပထမတွဲကို ပြီးမြောက်အောင် ရိုက်နှိပ်နိုင်လေသည်။ဤသို့ အပြည့်အစုံ ဖြစ်မြောက်အောင် တစ်စောင်တစ်ဖွဲ့ဖြစ်သော ဤသာသနာ ဝင်ကျမ်းကြီးကို ကြိုးပမ်းအားထုတ်ရသည့်အတွက် သာသနာရေးဘက်မှ၎င်း ကျမ်းဂန် ဗဟုသုတ စာပေအရေးအသားဘက်မှ၎င်း ကြွယ်ဝသော မြန်မာဘာသာကြီး ဖြစ်မြောက် ရေးအတွက် မျှော်လင့်ကာ ဤဗုဒ္ဓနိုင်ငံတော် သာသနာဝင်ကျမ်းကြီးကို ကြိုးပမ်းအားထုတ် ပြုစုရပါသတည်း။ ။