ဘာသာအမြင် စာပေအမြင်

အကျဉ်းချုပ်

ဒဂုံတက္ကသိုလ် မြန်မာစာဌာန စာတမ်းဖတ်ပွဲ၊ ဆရာကြီး သခင်ဘသောင်းရာပြည့် စာတမ်းဖတ်ပွဲ၊ နိုင်ငံသမိုင်း သုတေသနဦးစီးဌာနက ကျင်းပသော စာတမ်းဖတ်ပွဲများ၊ မြန်မာ နိုင်ငံ စာပေနှင့် စာနယ်ဇင်းအဖွဲ့က ကျင်းပသော သုတဘဏ်စာတမ်းဖတ်ပွဲနှင့် မြန်မာ အမျိုးသမီးများနေ့ ဂုဏ်ပြုစာတမ်းဖတ်ပွဲတို့တွင်လည်း စာတမ်းများ တင်သွင်းဖတ်ကြားခဲ့ ပါသည်။ ဤစာစုတွင် အဆိုပါ စာတမ်းဖတ်ပွဲများ၌ တင်သွင်းဖတ်ကြားခဲ့သော စာတမ်းများနှင့် တက္ကသိုလ်ပညာ ပဒေသာစာစောင်၊ ပညာလောကစာစောင်တို့မှ ဆောင်းပါးများကို စုစည်း ထားပါသည်။ အဓိကအားဖြင့် ဘာသာစကားဆိုင်ရာ၊ စာပေဆိုင်ရာစာတမ်းဆောင်းပါးများ ဖြစ်ပါသည်။ စာတမ်းများတွင် အောက်ခြေမှတ်စုပေးပုံ၊ အဆုံးသတ်မှတ်စုပေးပုံ၊ ကျမ်းကိုးစာရင်း ပေးပုံတို့ ကွဲပြားမှုများရှိနေသည်ကို သတိပြုမိပါသည်။ ရေးသားပြုစုစဉ်က ကျွန်တော်ကျင့်သုံး ခဲ့သော ပုံစံများဖြစ်သည့်အတွက် တစ်ပုံစံတည်းဖြစ်အောင် ပြင်ဆင်ခြင်းမပြုတော့ဘဲ မူလ အတိုင်းပင် ထားပါသည်။ ဤစာစုကို စာအုပ်အဖြစ် ပုံဖော်ပေးသော ပုဂံစာအုပ်တိုက်ကို ကျေးဇူးတင်ပါသည်။ မောင်ခင်မင် (ဓနုဖြူ)