ရူပသိဒ္ဓိမောဠိ (ပထမပိုင်း)

အကျဉ်းချုပ်

ရုပ်ကိုလည်း နိုင်ပါစေ၊ သရုပ်ကိုလည်း ပိုင်ပါစေ”ဟု မိန့်မှာတော်မူ ခဲ့ကြပေသေးသည်။ ထို့ကြောင့် သဒ္ဒါအရာ၌ ရုပ်တွက်တတ်ခြင်းသည် မည်မျှ အရေးကြီးကြောင်း သိသာထင်ရှား၏၊ သုတ်ပြီး ရုပ်ပြီးမှ မသိသော, မတတ် သော စာသင်သားသည် မည်ကဲ့သို့ စာအဓိပ္ပါယ် နားလည်နိုင်ပါမည်နည်း၊ သဒ္ဒါ တက်ရေး. စာတတ်ရေးအတွက် ရုပ်တွက်တတ်ဖို့ အထူးလိုအပ်လှပေသည်။ ထို့ကြောင့် သင်ခါစ စာသင်သားများ ရူပသိဒ္ဓိအာဘော်ကို နားလည်စေ ရန်နှင့် ရုပ်တွက်တတ်စေရန် ရည်ရွယ်၍ တိုက်သစ်ပဇ္ဇောတာရုံ၌ စာချတန်း စာဝါများနှင့်တကွ ယမိုက်, ပဋ္ဌာန်းစသော နေ့ဝါ ညဝါများကို နှစ်စဉ်ပို့ချ၍ စာချရည် ဝနေပြီဖြစ်သော ဓမ္မာစရိယ-ပါဠိပါရဂူ၊ ဝိနယ, ဒီဃ, မဇ္ဈိမ, သံယုတ္တ နိကာယဝိဒူ, အဘိဓမ္မဝိဒူဘွဲ့များကို ရထားသည့် အရှင်ဉာဏသိရီအား ဤ “ရူပ သိဒ္ဓိမောဠိ”ကို ရေးသားစေရခြင်းဖြစ်ပါသည်