ပတ္တမြားမိုး

ာရေးသူ မင်းသိင်္ခ၏ "ပတ္တမြားမိုး" ဝတ္ထုသည် ရန်ကုန်မြို့ မလွှကုန်းဘူတာရုံပိုင် ကိုမှတ်ကြီး၏ ဘဝနိမ့်တက်အပြောင်းအလဲများကို ရသစုံစွာ ရေးသားထားခြင်းဖြစ်သည်။ ကိုမှတ်ကြီးသည် ရိုးသားသူဖြစ်သော်လည်း သူငယ်ချင်းဖြစ်သူ၏ သစ္စာဖောက်မှုကြောင့် အစိုးရငွေအလွဲသုံးစားမှုဖြင့် ထောင်ကျခဲ့ရပြီး၊ ထိုအချိန်တွင် ချစ်သူမအိမ်မြဲ၏ စွန့်ပစ်ခြင်းကိုပါ ခံခဲ့ရသည်။ ထောင်မှလွတ်လာပြီးနောက် ဘဝပျက်ကာ ဇရပ်တွင် ကပ်နေရသည့် ကိုမှတ်ကြီးသည် ၁၉၅၀ ပြည့်နှစ် သင်္ကြန်ကာလအတွင်း ရွှေတိဂုံဘုရားနှင့် မြို့ထဲ၌ "ပတ္တမြားမောင်" ကားပေါ်မှ ကြဲဖြန့်သော ပတ္တမြားမိုးကို ကံကောင်းစွာ ကောက်ရရှိခဲ့သည်။ ထိုအချိန်မှစ၍ ဆန်းကြယ်သော အဘိုးကြီးတစ်ဦး၏ လမ်းညွှန်မှု၊ ယတြာပြုမှုများဖြင့် ၎င်း၏ကံကြမ္မာမှာ ပြန်လည်ပွင့်လန်းလာပြီး ဆင်းရဲတွင်းမှ လွတ်ကင်းကာ ဘဝသစ်ကို တည်ဆောက်နိုင်ခဲ့သည့်အကြောင်းကို စိတ်ဝင်စားဖွယ် ဖတ်ရှုရမည်ဖြစ်သည်။