ပုံပြင်ဆုံးအောင်နားထောင်မှာလား

အကျဉ်းချုပ်

မေးခွန်းကလေး နှစ်ခုလောက် မေးကြည့်ချင်ပါသည်။ တစ်ခုက မိဘများသို့ဖြစ်၍ တစ်ခုက သားသမီးများသို့ ဖြစ်ပါသည်။ မိဘများသို့ မေးခွန်းက တစ်ညတလေလောက်များ ပုံပြင်ကလေး တစ်ပုဒ်တလေလောက်ပြောကာ မိမိ၏သားသမီးကို ချော့သိပ်ခဲ့ဖူးပါသလားဟူသည့် မေးခွန်းဖြစ်ပါသည်။ သားသမီးများသို့ မေးခွန်းက ဟိုးရှေးရှေးတုန်းက အစချီသည့် အမေ့အသံ၊ သို့မဟုတ် အဖေ့အသံကို နားထောင်ရင်းက နွေးထွေးလုံခြုံကျေနပ်စွာ အိပ်မောကျသွားခဲ့ဖူးပါသလားဟူသည့် မေးခွန်းဖြစ်ပါသည်။ အဖြေပေးရန် မလိုအပ်ပါ။ ကိုယ့်ဘာသာကိုယ် ဖြေကြည့်ရန်သာ ဖြစ်ပါသည်။