ပညာရှိကြီးများနှင့် မြန်မာ့လွှတ်တော် ဝန်ကြီးများ (နှစ်အုပ်ပေါင်းချုပ်)

အကျဉ်းချုပ်

မှော်ဘီဆရာသိန်း၏ မြန်မာမင်းများလက်ထက် လက်ရုံးရည် နှလုံးရည်တို့ဖြင့် အမှုတော် ထမ်းဆောင်ခဲ့ကြသည့် ပညာရှိကြီးများ အကြောင်း စာအုပ်ကို ကျွန်ုပ် တို့ လွန်ခဲ့သည့် အနှစ် ၂ဝ ကျော်က ရိုက်နှိပ်ထုတ်ဝေခဲ့ရာ ယခုအခါ မည်သည့် နေရာမှာမှ မရမရှိနိုင်သဖြင့် ပြန်လည်ရိုက်နှိပ်ပါရန် သုတေသီတို့က တိုက်တွန်း ကြသောကြောင့် အမြတ်ကို ပဓာန မထားဘဲ တတိယအကြိမ် ရိုက်နှိပ်ထုတ်ဝေ လိုက်ရခြင်း ဖြစ်ပါသည်။ ဤစာအုပ်တွင် သတ်ပုံများမှာ ဆရာသိန်းကြီး၏ အလိုကျ ပါရှိနေရာ ယခုခေတ် အသုံးအနှုန်းနှင့် အနည်းငယ် ကွဲလွဲသည်ကို တွေ့ရပါလိမ့်မည်။ သို့ရာတွင် ဆရာသိန်းကြီး၏ မူကို သိနိုင်ရန် မပြုမပြင်ဘဲ ထည့်သွင်းဖော်ပြ ထားပါသည်။“ ၎င်းပြင် ရှေးအနှစ် ၂ဝ ကျော်က မြန်မာ့တာရာ သတင်းစာ၏ စာအုပ် ဝေဖန်ချက်များကိုလည်း ယခုခေတ် စာပေလိုက်စားသူများ လေ့လာမှတ်သား နိုင်ရန်အတွက် နောက်ပိုင်းမှ ထည့်သွင်းဖော်ပြလိုက်ပါသည်။ ထုတ်ဝေသူများ ယခုအကြိမ် ပုံနှိပ်ခြင်းတွင် မြန်မာစာလုံးပေါင်း သတ်ပုံကျမ်းအတိုင်း ပြုပြင်ထားပါသည်။