ဝန်စာရေးဦးကြီး၏ စကားကတ်သည့်အရာ၌စံတင်ထားရသူ ချည်ပါသား နှင့် ပခန်းသားတို့ပါဝင်သော စကားတောင်စားဝတ္ထု

အကျဉ်းချုပ်

ချည်ပါသားနှင့်ပခန်းသားဟူသော စကားအသုံးအနှုန်းသည် ယနေ့တိုင် တွင်ကျယ်စွာအသုံးဝင်နေသေးသော စကားဖြစ်သည်၊ မည်သို့ ပြောဆိုတတ်သူ များကို ချည်ပါသား၊ ပခန်းသားဟု ခေါ်ဆို သုံးနှုန်းနေကြလေသနည်း၊ ဤဝတ္ထုပါ ချည်ပါသားနှင့် ပခန်းသားတို့အကြောင်းကို ဤဝတ္ထုရေးခဲ့သူ ဆရာကြီး ဦးကြီးက မည်ကဲ့သို့ စာပေဇာတ်ခုံပေါ် တင်ပေးခဲ့သနည်း၊ တစ်ချိန်က ရေးခဲ့သော ဦးကြီး၏ အသုံးအနှုန်းအချို့တို့ကို ခေတ်သုံးနှင့်လျော်ညီအောင် ခင်ချိုထွန်းစာပေ၊ အယ်ဒီတာအဖွဲ့က အနည်းငယ် ပြင်ဆင်ထားပါသည်။ ဤစာအုပ် ထုတ်ဝေရခြင်း၌ အကြောင်းနှစ်ခုရှိပါသည်၊ ပထမအကြောင်း မှာ ကောင်းလွန်းသော စာပေအဟောင်းအရာများကို မတိမ်ကောစေရန် ရည်ရွယ်ချက်ဖြစ်ပြီး ဒုတိယအကြောင်းမှာ စာဟောင်း ပေဟောင်းများမှ ပေးသော တန်ဖိုးကြီးသည့်အသိများ၊ အလိမ္မာများ ယနေ့စာဖတ်သူတို့ သိစေလို၊ ရရှိစေလိုသော ရည်ရွယ်ချက်ဖြစ်ပါသည်။