ဗုဒ္ဓဘာသာနှင့်ရဟန်းဝိနည်း(အတွဲ၃)

အကျဉ်းချုပ်

ဝိနည်းသည် သာသနာတည်တံ့ရေး၊ ဓမ္မများ မပျောက်ကွယ်ရေး၊ သံဃာမပြိုကွဲရေး၌ အလွန်အရေးပါ၏။ ဝိနည်း မရှိလျှင် သံဃာကွဲမည်။ သံဃာကွဲလျှင် ဓမ္မများ ပျောက်ကွယ်မည် ဖြစ်၏။ ထိုသို့သော အကြောင်းများကြောင့် ရှင်ရဟန်းနှင့် ဒကာ၊ ဒကာမများ ဝိနည်းသိရန် လိုအပ်၏။ သိရှိပြီးလျှင်လည်း ကျင့်သုံးရန် လိုအပ်၏။ ဒကာ၊ ဒကာမများကလည်း မိမိတို့ သိထားသည့် ဝိနည်း စည်းကမ်းအတိုင်း ကိုးကွယ်ဆည်းကပ်မှ ဆရာတော်များ အပြစ်ကင်း လျက် သာသနာအလုပ် လုပ်နိုင်ကြမည် ဖြစ်၏။ ထိုသို့ဆိုလျှင် သံဃာ လည်း ညီညွတ်၍ ဓမ္မလည်း မပျောက်ကွယ်တော့။ ထို့ကြောင့် ဗုဒ္ဓ၏ ဓမ္မများ မပျောက်ကွယ်လိုလျှင် ဝိနည်းကို သင်ပါ ကျင့်ပါဟု ပြောရမည် ဖြစ်၏။ ထိုသို့ ဓမ္မ မပျောက်ကွယ်ရေးအတွက် ဤဗုဒ္ဓသာသနာနှင့် ရဟန်း း ဝိနည်း (အပိုင်း ၃) သည် တစ်ထောင့်တစ်နေရာမှ ထောက်ပံ့ ကူညီနေလိမ့်မည် ဟု ရည်ရွယ်လျက် စီစဉ်ရေးသားလိုက်ရပါသည်။