၁၂ ပွဲဈေးသည် နှင့် ကျွန်မတို့အညာ

အကျဉ်းချုပ်

လက်ဖက်ဆိုတာလည်း Tea လို့ခေါ်တဲ့ လက်ဖက်ခြောက်ကို ကမ္ဘာပေါ်မှာ နိုင်ငံတိုင်းလောက် သောက်သုံးနေကြပေမဲ့ အဲဒီ လက်ဖက်ရွက်အစိုကို ပေါင်းတင်ပြီး သိပ်ထားထဲ့ လက်ဖက်အစိုကို ကျွန်မတို့လူမျိုးပဲ စားပါတယ်။ တခြားဘယ်လူမျိုးကမှ မစားပါဘူး။ ကျွန်မတို့ကတော့ စားရုံမက၊ အလှူအတန်းကအစ မင်္ဂလာပွဲအဆုံး လာကြဖို့ ဖိတ်တဲ့ကြားတဲ့အခါ လက်ဖက်နဲ့ဖိတ်တယ်။ လင်မယား ကွာရှင်းပြတ်စဲ တဲ့အတွက် လက်ဖက်စားပြီး ကွာရှင်းပြတ်စဲတယ်ဆိုတဲ့ ဓလေ့စရိုက်တွေတောင်မှ ကျွန်မတို့ လူမှုရေးကိစ္စတွေထဲမှာ ထွေးရောယှက်တင် ဖြစ်နေရသေးတာပါ။ ဒါကြောင့် မှတ်တမ်းမှတ်ရာအနေနဲ့ ရေးတာပါ။ ဒိပြင် သောက်ရေအိုးစင်တည်တဲ့ အလှူမျိုး၊ အရပ်ဘုရားပွဲမှာ ဧည့်ခံလေ့ရှိတဲ့ လူမှုရေးလည်းပါ၊ ဒါနလည်းပါတဲ့ အလှူမျိုးကလည်း ကျွန်မတို့လူမျိုးရဲ့ ဝိသေသ ချစ်စရာ့သဒ္ဓါတရားလေးတွေမို့ ရေးချင်လို့ရေးတာပါ။ ကဲ ကျွန်မစုစည်းထားတာကလေးများကို ဖတ်ကြပါဦး။ ဒီဆောင်းပါးကလေး တွေဟာ မဂ္ဂဇင်းတွေမှာ ကျွန်မရေးခဲ့တာတွေပါ။ ဆောင်းပါးပါတဲ့ မဂ္ဂဇင်းတွေကိုလည်း ကျေးဇူးအထူးတင်ရှိလှပါတယ်။