ဝိပဿနာရှုနည်း ညွန့်ပေါင်း

အကျဉ်းချုပ်

ဘဝပေါင်း အသင်္ချေ မရေမတွက်နိုင်တဲ့ သံသရာကြီးထဲမှာ - ကျင်လည်နေရတာဟာ နှစ်နှစ်ကာကာ သေသေချာချာ စဉ်းစားကြည့်မယ် ဆိုရင် အလွန်တရာ ပူပြင်းလှစွာသော မဟာသဲကန္တာရကြီးထဲမှာ အထက်က နေကပူ၊ အောက်က မြေကပူနှင့် အပူနှစ်ထပ် ညှပ်ထောက်ပြီး လမ်းလျှောက်နေရတဲ့ သူနဲ့ တူတယ်။ လူတွေဟာ စိတ်ကပူ လူကပူနဲ့၊ အပူကောင်လုံးလုံး အပူတုံးကြီး ဖြစ်နေကြတယ်။ ဒါကြောင့် ထိုအပူတုံးကြီး အေးသွားအောင် ဝိပဿနာအမြိုက်ဆေးကို တိုက်ကျွေးကြ၊ ဒါနကား နိဗ္ဗာန်ရောက်နိုင်သည့် ဘဝကို ပို့ပေးတယ်၊ သီလကား သူတော်ကောင်း ဖြစ်အောင်လုပ်ပေးတယ်။ သမထကား ဘဝဘဝက ပါလာတဲ့ ကိလေသာတဏှာကို မထနိုင်အောင် ချိုးနှိမ်ပေး တယ်။ အဲဒီ ဒါန၊ သီလ၊ သမထကို အရင်းခံ၍ ပြင်းထန်သောဆန္ဒ ဖြင့် ဝိပဿနာတရား ကြိုးစား အားထုတ်ကြမည်ဆိုလျှင် အမြတ်ဆုံး ချမ်းသာအစစ် ဧကန်ဖြစ်သည့် နိဗ္ဗာန်သို့ မုချဧကန် ရောက်နိုင်ကြောင်း ထပ်လောင်း၍ တိုက်တွန်းစကား ရေးသားလိုက်ရပေသတည်း။