မြန်မာ့မျက်ပွင့် ရွာဓလေ့ လူဓလေ့

အကျဉ်းချုပ်

ထိုဆောင်းပါးများကို ရေးစဉ်က စိတ်တွင်း၌ ပေါ်လာ သည်တို့ကို ပူပူနွေးနွေး လတ်လတ်ဆတ်ဆတ် စိတ်ကူးအရှိန် ကောင်း ကောင်းနှင့် တစ်မုဟုတ်ချင်း ရေးသားခဲ့ခြင်းဖြစ်ရာ ယခု စိတ်အေးအေး နှင့် အချိန်ယူ၍ ပြန်လည်ပြုပြင်ရေးသားမည်ဆိုလျှင် မူလဆောင်းပါး များထက်ပို၍ ပြည့်စုံမည်၊ ပို၍သားနားမည် မှန်သော်လည်း လတ် လတ်ဆတ်ဆတ် ရှိတော့မည်ကား မဟုတ်ချေ။ ထို့ကြောင့် စကားမချောသည့် နေရာအချို့တွင် စကားချော အောင် သုံးလေးလုံးမျှ ပြုပြင်ခြင်း၊ သတ်ပုံသတ်ညွှန်းများကို ရှေ့ နောက် ညီညွတ်အောင်ပြုခြင်းမှတစ်ပါး နဂိုမူလအတိုင်းပင် ထားလိုက် ပါသည်။ ဤဆောင်းပါးများကို လက်ဦးပုံနှိပ်ထုတ်ဝေကြသော စာပဒေသာ၊ ရှုမဝ၊ မြဝတီမဂ္ဂဇင်းများမှ အယ်ဒီတာများက ယခုကဲ့သို့ စုပေါင်း၍ စာအုပ်ပြုလုပ်ခွင့်ကို ရက်ရောကြည်ဖြူစွာ ပေးသည့်အပြင် စာအုပ် ဖြစ်အောင် စီမံပါဟု အားပေးစကား ပြောကြားကြသည့်အတွက် အထူးပင် ကျေးဇူးဥပကာရတင်ရှိကြောင်း ဖော်ပြအပ်ပါသည်။ ဇေယျ