၁၂၂၁ ခု-၁၃၂၁ ခု အနှစ်၊ ၁၀၀-ပြည့် မန္တလေး

အကျဉ်းချုပ်

၁၃ဝ၈ ခုနှစ်က “မန္တလေး” စာအုပ်တစ်အုပ်ကို ပွဲဦးထွက်အနေ ဖြင့် ရေးသားခဲ့ပြီးနောက် မန္တလေးအကြောင်းကို အထူးစိတ်ပါဝင်စားလာ ခဲ့ရာ ပိုမိုပြည့်စုံသော မန္တ လေးစာအုပ်တစ်အုပ် ဖြစ်ပေါ်နိုင်ရေးအတွက် မန္တလေးနှင့်ပတ်သက်သော အချက်အလက်များကို ထိုအခါမှစ၍ တစ်ကဏ္ဍ ဖွင့်ပြီး စနစ်တကျ စုဆောင်းရှာဖွေခဲ့ပါသည်။ မန္တလေးအကြောင်း စုဆောင်း ရှာဖွေမှ “စာပြုထက် စာစုခက်ကြောင်း” လည်း တွေ့လာရပေသည်။ မန္တ လေးနှင့်ပတ်သက်ပြီး မှီငြမ်းပြုစရာ ရာဇဝင်စာအုပ်စာတမ်းများသာ မကဘဲ မန္တလေးခေတ်ဟောင်းက ထုတ်ဝေခဲ့သည့် ရတနာပုံ နေပြည်တော် သတင်းစာမျိုးမှ၊ ယခုမျက်မှောက်ခေတ်တွင် မန္တ လေးမြို့ပေါ်မှ ထုတ်ဝေ လျက်ရှိသော လူထု၊ မြန်မာ့လမ်းစဉ်၊ ပဟိုရ်စည်၊ မန္တ လေး သူရိယနှင့် မန္တ လေးဟစ်တိုင် စသော သတင်းစာများအထိ သူ့ကဏ္ဍနှင့် သူ့ကဏ္ဍ ခွဲ၍ ဖိုင်ဖွဲ့ထားနိုင်လောက်သည်အထိ လိုလေသေးမရှိ အသင့်စုဆောင်း ထားပြီး ဖြစ်သည့်တိုင်အောင် မန္တ လေးအတွက် အကိုးအကား ပြုရမည့် စာအုပ်အချို့မှာ ရှာဖွေမရအောင် ဖြစ်ခဲ့ရပေသေးသည်။