ဓမ္မသေနာပတိ အရှင်သာရိပုတ္တရာ

အကျဉ်းချုပ်

ဤဝတ္ထုပါ အကြောင်းအရာများသည် အထက်ပါ စကားအတိုင်း ပါဠိအဋ္ဌကထာ ထွက်များသာ ဖြစ်ကြပါသည်။ ဋီကာ ဂန္ထန္တရထွက် စကားများ လုံးဝမပါရှိပါ။ ကြည်ညို စေချင်လွန်း၍ ပိုမိုချီးကျူးခြင်းများလည်း မပါဝင်ပါ။ အကြောင်းအရာတစ်ခုကို ပြလိုက် သောအခါ အဆက်အစပ်ဖြစ်သော စကားရပ်အနည်းငယ်မျှကိုသာ မိမိဘာသာ ဆက်စပ် ရေးသား၍ ထည့်သွင်းထားပါသည်။ ဤဝတ္ထုကို ဖတ်ရသောအခါ ဗုဒ္ဓဘာသာ၌ ယဉ်ကျေးမှု ပြည့်ဝပုံကို အတော် စုံလင်စွာ တွေ့ရပါလိမ့်မည်။ ဗုဒ္ဓဘာသာ၏ ခမ်းနားကြီးကျယ်ပုံကိုလည်း အကဲခတ်နိုင် ပါလိမ့်မည်။ “ပညာရှိ သူတော်ကောင်း”ဆိုသည်ကား ဤပုဂ္ဂိုလ်မျိုးသာ ဖြစ်တော့သည်။ “ဗုဒ္ဓဘာသာကား မြင့်မြတ်လှ၏တကား”ဟူသော အရသာကိုလည်း ခံစားရလိမ့်မည် ဖြစ်ပါသတည်း။