အပ္ပမာဒ ဓမ္မလက်ဆောင်

အကျဉ်းချုပ်

“မမေ့မလျော့ခြင်းသည် သေခြင်းကင်းရာ နိဗ္ဗာန်သို့ ရောက်ကြောင်းဖြစ်ပြီး၊ မေ့လျော့ ပေါ့ဆခြင်းသည် သေခြင်း၏အကြောင်း ဖြစ်၏။ မမေ့မလျော့နေကြသူများသည် သေခြင်း ကင်းသူများနှင့် တူကုန်ပြီး၊ မေ့မေ့လျော့လျော့ ပေါ့ပေါ့ဆဆနေကြသူများသည် အသက်ရှင် နေသော်လည်း သေနေကြသူများနှင့် တူကုန်ကြ၏” ထို့ကြောင့် လောကတွင် သေရမည်ကို လူတိုင်းကြောက်ကြ သည်ဆိုသော်လည်း သေမှာ မကြောက်သည့်သူများလည်း ရှိသည်ကို အထက်ဖော်ပြပါ မြတ်ဗုဒ္ဓဟော တော်မူချက်များက သက်သေပြုနေပြီး ဖြစ်သဖြင့် မိမိတို့ ယခုလက်ရှိဘဝတွင် သေ ခြင်းတရားကို ရင်ဆိုင်နိုင်ရန်၊ သေရမည့်အရေး တွေးကြောက်စရာ မလိုသည့် သေမှာ မကြောက်သူများ ဖြစ်စေရန် အချိန်ရှိခိုက် သတိစိုက်၍ ကြိုးစားကြရန်သာ လိုအပ်ပေ တော့သည်။ ထိုသို့ ကြိုးစားကြရန်လည်း တိုက်တွန်းလိုပါ၏။ အဘယ်ကြောင့်ဆိုသော် သေ ခြင်းတရားဟူသည် အချိန် မရွေး၊ နေရာမရွေး၊ အရွယ်မရွေး ဧကန်မုချ လာနိုင်သော ကြောင့်ပင် ဖြစ်ပါ၏။ အပ္ပမာဒ ဓမ္မလက်ဆောင်