အလွမ်းပြေ မှတ်စုများ

ဆောင်းပါးတွေထဲမှာ အများစုကတော့ စာပေဟောပြောပွဲ ခရီးစဉ် အတွေ့အကြုံမှတ်တမ်းတွေ ဖြစ်ပါတယ်။ လူထုဒေါ်အမာဟာ၁၉၇၀ ခုနှစ်က ၁၉၇၉ ခုနှစ်အတွင်း ခရီးစဉ်ပေါင်း ၁၉ ခုကို သွားရောက်ခဲ့ရပါတယ်။ ရောက်ခဲ့တဲ့မြို့ပေါင်းက ၂၅ မြို့။ ဒါတောင် ခရီးသွားဟန်လွှဲ ရောက်ခဲ့တဲ့ မြို့တွေ၊ ရွာတွေ မပါသေး။

ကျန်တဲ့ဆောင်းပါးများကတော့ ရှေးခေတ်ဟောင်းအောက်မေ့ဖွယ် ပြန်လည်ရေးသား မှတ်တမ်းတင်ထားတာပါ။ ဘာပဲဖြစ်ဖြစ် နေ့စဉ် မှတ်တမ်းတစ်ခုဟာ ခေတ်ပြိုင်မှတ်တမ်းအနေနဲ့ ဘယ်လောက်ထိအောင် တန်ဖိုးကြီးမားတယ်ဆိုတာ စာဖတ်သူအနေနဲ့ ဖတ်ရှုရင်း ခံစားမိကြ မှာပါ။

ဆောင်းပါးအများစုကို ရွှေအမြုတေမဂ္ဂဇင်းမှာ ၁၉၉၉ မေလ ထုတ်မှ ၂၀၀၁ ဇွန်လထုတ်ထိ ဖော်ပြခဲ့ပြီးဖြစ်ပါတယ်။