ကျွန်တော်ဆားချက်သမား

အကျဉ်းချုပ်

ကိုလိုနီခေတ်က ဆားချက်သမားတွေရဲ့ ဘဝအတွေ့အကြုံကို အခြေခံရေးသားခဲ့တာမို့ ကိုလိုနီနယ်ချဲ့ အစိုးရတွေက မြန်မာပြည်သူလူထုကို ကျွန်ပြု ချယ်လှယ်အုပ်ချုပ်ရာမှာ ဆားကို လက်နက် တစ်ခုသဖွယ် အသုံးပြုခဲ့တာကိုလည်း တွေ့ရှိနိုင်ပါတယ်။ ကိုလိုနီခေတ်က အိန္ဒိယနိုင်ငံမှာ အမျိုးသားခေါင်းဆောင်ကြီး “မဟတ္တမဂန္ဒီ”ဟာ ဗြိတိသျှ အစိုးရရဲ့ ဆားခွန်တော် ဥပဒေကို ဆန့်ကျင်ကန့်ကွက်တဲ့အနေနဲ့ ပြည်သူ များကို ဦးဆောင်ပြီး ပင်လယ်ကမ်းခြေကို သွားရောက်ကာ ကိုယ်တိုင် ဆားချက်ခဲ့ဖူးပါတယ်။ “ကျွန်တော်ဆားချက်သမား”ဟာ ကိုလိုနီခေတ် မော်လမြိုင်ကျိုက္ခမီ ဘက်က ဆားချက်သမားများရဲ့ ဘဝကို ပေါ်လွင်အောင် သရုပ်ဖော်ရုံမျှမက မြန်မာမှုရေးရာ သိမှတ်ဖွယ်ရာများကိုလည်း ကျိုက္ခမီအရပ် လူပျိုလှည့်ထုံးစံ၊ ဆားသမားတွေ ကိုးကွယ်တဲ့ နတ်ဘိန်းစား ဆားချက်သမားတွေကို အကူ အညီပေးတတ်တဲ့ “သရဲကြီးရဲကျော်”အကြောင်းပါ မကျန် ဗဟုသုတ ဖြစ်ဖွယ် အကုန်စုံလင်လှတာမို့ ဒုတိယအကြိမ် ပြန်လည် ပုံနှိပ်ထုတ်ဝေလိုက် ပါတယ်။