လေရူးသုန်သုန် (ပထမတွဲ) GONE WITH THE WIND (1)

အကျဉ်းချုပ်

ပထမအားဖြင့် ဤဝတ္ထု၏ အမည် အကြောင်းကို ကျွန်တော် ပြောလို ပါသည်။ “လေရူးသုန်သုန်” ဆိုသည့် အမည်သည် ကျွန်တော်၏ ကိုယ်ပိုင် အမည် မဟုတ်ပါ။ စာရေးဆရာ နန္ဒ၏ ဝတ္ထု တစ်ပုဒ်မှ အမည် ဖြစ်ပါ သည်။ ဒုတိယ ကမ္ဘာစစ် မဖြစ်မီက နန္ဒက အမေရိကန် စာရေးဆရာမ မာဂရက် မစ်ချယ်၏ Gone With The Wind ဝတ္ထုကို “လေရူးသုန်သုန်” အမည်ဖြင့် မြန်မာ ဇာတ်အိမ် ဖွဲ့၍ ရေးခဲ့ဖူးသည်။ သူ့ဝတ္ထုကို မြန်မာ့ အလင်း သတင်းစာတွင် အခန်းဆက် ဝတ္ထုရှည်ကြီး အဖြစ် သုံးလခန့် ရေးခဲ့သည်။ စစ်ပြီးသည့်နောက် ၁၉၅၂ ခုနှစ်လောက်တွင်လည်း ထိုဝတ္ထု ကို လုံးချင်း စာအုပ် အဖြစ် ရိုက်နှိပ် ထုတ်ဝေခဲ့ဖူးသည်။ မူရင်း ဝတ္ထု မှာ အမေရိကန် ပြည်တွင်းစစ်ကို နောက်ခံထား၍ ရေးထားသည်။