ဝိရောဓိတိုင်းပြည် နှင့် နိုင်ငံတကာခရီးသွားစာပေလက်ရာများ

အကျဉ်းချုပ်

နိုင်ငံတကာခရီးသွားစာပေ ခရီးသွားစာပေသည် ရသစာပေအဖွဲ့တစ်မျိုးပင် ဖြစ်ပါသည်။ ခရီးသွား စာပေထဲတွင် ရသနှင့် သုတသည် ရောထွေးနေသည်။ ဒေသတစ်ခု၏ သမိုင်း၊ နိုင်ငံရေး၊ စီးပွားရေး၊ ယဉ်ကျေးမှု၊ ခေတ်ပြိုင်ခံစားမှုတို့သည် ခရီးသွားစာပေထဲတွင် ပိုးချည်မျှင်တစ်မျှင်လို ယှက်သွယ် ရက်ဖောက် ထားသည်။ ယနေ့ကမ္ဘာတွင် ခရီးသွားစာပေသည် ရှေ့ဆုံးမှ နေရာယူ နေသည်။ အနောက်နိုင်ငံများတွင် ခရီးသွားစာပေတို့ကို စုပေါင်း၍ ထုတ်ဝေနေကြသည်။* ယခုစာများကို လွန်ခဲ့သည့် ဆယ်စုနှစ်များက ဘာသာပြန် ဆိုသူနှင့် မဂ္ဂဇင်းများတွင် ထည့်သွင်းဖော်ပြခဲ့သည့် အယ်ဒီတာတို့သည် နိုင်ငံတကာအဖြစ်အပျက်များကိုသာမက ထိုနိုင်ငံတကာ အဖြစ်အပျက် များကို ကိုယ်တွေ့ကြုံခဲ့သူတို့၏ ဖြတ်သန်းမှုများ၊ ရင်ခုန်သံများ၊ အပြုံးအမဲ့များကိုလည်း စာဖတ်ပရိသတ်တို့ထံ တင်ပြလိုသည့် ရည်ရွယ် ချက်ဖြင့် တင်ဆက်ခဲ့ကြခြင်း ဖြစ်ပါသည်။ ဆရာမြသန်းတင့်သည် အခြားစာပေလက်ရာစုံကို ပြန်ဆို ပြုစု ခဲ့သလို ခရီးသွားစာပေလက်ရာများကိုလည်း ထက်အောင်အမည်ဖြင့် များစွာ ပြန်ဆိုထားခဲ့ပါသည်။ ယခုစာအုပ်မှာ စာအုပ်အဖြစ် မစုစည်းရ သေးသည့်** ဆရာ၏ ခရီးသွားစာပေလက်ရာများကို စုစည်းလိုက် ခြင်း ဖြစ်ပါသည်။