အင်ဒါဆင် ဒဏ္ဍာရီများ FAIRY TALES

အကျဉ်းချုပ်

ကလေးသူငယ်နှင့် သင့်လျော်သော ကလေးစာပေများမှာ အမှန်စင် စစ် ရှားပါးလှပေသည်။ “ကလေးစာပေ” ဟု အမည်ပေးတိုင်းလည်း ဆီလျော်ချင်မှ ဆီလျော်ပေသည်။ အချို့အချို့တို့မှာ ကလေးများ ဉာဏ် မမီခြင်းဖြစ်နေတတ်၏။ နုနယ်သိမ်မွေ့၍ ဖြူစင်သော ကလေးသူငယ်တို့ နားလည်ရန် ရွှင်လန်းရန် သင်ခန်းစာရရန်တို့အတွက် စနစ်တကျ ဂရုတစိုက် ပြုလုပ်ဆောင်ရွက်ရန် အမြဲစိတ်သန်ခဲ့သော သွေးသောက်မှ ခရစ်ယာန်အင်ဒါဆင်၏ပုံပြင်များကို ဖော်ပြခဲ့သည်မှာ ယခုအခါတွင် သုံးကြိမ်မြောက် ရှိခဲ့ပေပြီ။ ပုံပြင်တစ်ခုတွင် မှတ်သားဖွယ် သင်ခန်းယူစရာ အချက်အလက် တစ်မျိုးစီ ပါဝင်စေသည်ဖြစ်၍ ဤပုံပြင်တို့ကို ဖတ်ရှုရသော ကလေး သူငယ်တိုင်းသည် သန့်စင်သောစိတ်ဓာတ် ကြီးထွားစေခြင်း၊ သိမ်ဖျင်း အောက်ကျသောစိတ်ဓာတ် ပယ်ပျောက်စေခြင်း၊ တစ်ကိုယ်ကောင်း အကျင့် အကြံတို့ ကင်းစင်၍ အများအကျိုးကို သယ်ပိုးရွက်ဆောင်လိုစိတ် ပွားများ ခြင်း၊ အမြော်အမြင်ကြီးမား၍ ဖျတ်လတ်မှုရှိခြင်း၊ စိတ်ကူးဉာဏ် ရင့်သန် ကြီးထွား၍ ဉာဏ်ပညာကျယ်ပြန့်လာခြင်း၊ လိမ္မာရေးခြားရှိလာခြင်း စသော အကျိုးကျေးဇူးတို့ ဖြစ်ထွန်းသင့်သလောက် ဖြစ်ထွန်းပေမည်ဟု ယုံကြည် မျှော်လင့်ရကား ကျွန်ုပ်တို့၏ ဆောင်ရွက်ရမှုအတွက် ကျေနပ်ရမည် ဖြစ်ပါ သတည်း။