လူလေးသို့ ပေးစာများ LETTERS TO HIS SON AND OTHERS

အကျဉ်းချုပ်

“လူလေးသို့ ပေးစာများ” သည် လော့စ်ချက်စတာဖီးလ်ဒ်၏ သားထံရေးသည့် ကမ္ဘာကျော်ပေးစာများကို ဆရာမြသန်းတင့် မြန်မာပြန်ဆိုထားခြင်းဖြစ်ပါသည်။ လော့ဒ်ချက်စတာဖီးလ်ဒ်သည် ၁၆၉၄‘ခုနှစ် စက်တင်ဘာ ၂၂ တွင် လန်ဒန်မြို့၌ မွေးဖွားသည်။ ဗြိတိသျှနိုင်ငံရေးလောကတွင် အနှစ်သုံးဆယ် နီးပါးကျင်လည်ခဲ့ပြီး ၁၇၄၈-ခုနှစ်တွင် နိုင်ငံရေးလောကမှ အနားယူသည် ၁၇၇၃-ခုနှစ် မတ်လ ၂၄ ရက်တွင် ကွယ်လွန်သည်။ ဤပေးစာများမှာ သူ၏ သားဖြစ်သူဖိလစ်စတန်းဟုတ် (Philip Stanhope) ထံရေးသားခြင်းဖြစ်သည်။ ဖိလစ်စတန်းဟုတ်သည် ၁၇၃၂- ခုနှစ်၌ မွေးဖွားသည်။ ပါလီမန်အမတ်အဖြစ် နှစ်ကြိမ် အရွေးခံရပြီး သံအမတ်အဖြစ်လည်း တာဝန်ထမ်းဆောင်ခဲ့သည်။ သို့သော် သူသည် သက်ဆိုးမရှည်ရှာ။ ၁၇၆၈-ခုနှစ် အသက် ၃၆ နှစ်တွင် ကွယ်လွန်သည်။ ကွယ်လွန်ချိန်တွင် ဇနီးဖြစ်သူ ယူဂျီးနီးယားစတန်းဟုတ်နှင့် သားနှစ်ယောက် ကျန်ရစ်ခဲ့သည်။ ပေးစာများမှာ သားဖြစ်သူ ဖိလစ်စတန်းဟုတ်အား ပညာပြည့်ဝနှလုံးလှ သည့် လူတော်လူကောင်းဖြစ်အောင် ပြုစုပျိုးထောင်ပေးသည့် အနေဖြင့် ရေးခဲ့ ခြင်းဖြစ်ပြီး ပုံနှိပ်ထုတ်ဝေရန် ရည်ရွယ်ချက်မရှိပေ။