ရွှေဥဒေါင်း၏ ဆွေးနွေးခန်း (စဉ်စားဉာဏ် လေ့ကျင့်လိုသူများအတွက်)

ကာလာမသုတ်၌ ဗုဒ္ဓက “မိရိုးဖလာ” ဆိုသောကြောင့်လည်း လက်မခံလေနှင့်ဦး။ မည် သည့်ပညာရှိက ပြောသည်ဆို၍လည်း မယုံကြည် လေနှင့်ဦး။ “ထုံးစံ” ဆိုတိုင်းလည်း မလိုက်နာလေ နှင့်ဦး။ မိမိတို၏ ကိုယ်ပိုင်ဉာဏ်ဖြင့် ဆင်ခြင် သုံးသပ်ပြီး၍ ကျေနပ်သဘောကျလောက်သော အခါမှ လက်ခံယုံကြည်ထိုက်သည်။””-ဟု ဟော တော်မူ၏။

ကျွန်ုပ်တို မြန်မာပြည်၌ များစွာသောသူတို သည် ကိုယ်ပိုင်ဉာဏ်ဖြင့် စဉ်းစားဆင်ခြင်ရသော အလုပ်မျိုး၌ ပျင်းရိတတ်ကြသည်ဖြစ်၍ မိရိုးဖလာ အစဉ်အလာနှင့် အခြားလူများ၏ အဆုံးအဖြတ်ကို အလွယ်တကူ နာယူတတ်ကြလေသည်။ စဉ်းစား ဆင်ခြင်ရသည့်အလေ့အထ မရှိသူများအဖိုမှာ စဉ်း စားဆင်ခြင်ရသည့်အလုပ်မျိုးကို ရွံကြောက်သကဲ့ သိုဖြစ်၍ ရှောင်တိမ်းချင်တတ်ကြ၏။ ဤဆောင်း ပါးများ၏ ရည်ရွယ်ချက်မှာ စာဖတ်သူများအား စဉ်းစားဆင်ခြင်ခြင်းအလုပ်၌ အလေ့အကျင့် ရစေ ခြင်းငှာ စဉ်းစားစရာအချက်အလက်များကို ဖော် ထုတ်တင်ပြခြင်း ဖြစ်ပါသည်။

သို့ရာတွင်- “စဉ်းစားရမည်” ဟု ဆရာက ပြောသောကြောင့် “မိုးများဟာ အဘက်က ရွာပေ လို့သာ တော်ပေတော့တယ်။ အောက်က ရွာလျှင် ဖြင့် ထီးဆောင်းဖို့ အတော်ခက်မှပဲ။”-ဟု စဉ်းစား သောတပည့်ကဲ့သို့ မဟုတ်မဟတ်သည်၌ အချိန် မကုန်စေဖို့လည်း သတိပြုကြရပေမည်။

ကျွန်ုပ်၏ဆွေးနွေးခန်းများတွင် အခြားလူများ နှင့် အယူအဆကွဲလွဲသော အချက်အလက်များကို တင်ပြထားပေရာ၊ “ကျွန်ုပ်သာလျှင် မှန်ကန်သည်” ဟု လက်ခံယုံကြည်ကြရန် မဟုတ်ဘဲ၊ လူအများ နှင့် ကျွန်ုပ်သည် မည်သူက သဘာဝကျအောင် စဉ်းစားဆင်ခြင်တတ်သည်ကို စာဖတ်သူတို့ကိုယ် တိုင် ဆင်ခြင်သုံးသပ်ရခြင်းအားဖြင့် ဤအလုပ်မျိုး ၌ အလေ့အကျင့်ရရှိကြစေရန် ရည်ရွယ်ခြင်း ဖြစ်ပါ သည်။