ပုံတောင်ပုံညာသွားတောလား

အကျဉ်းချုပ်

သတိရမိတာက အဲလိုပုံတောင်ပုံညာပေါ် ကားတအိအိနဲ့မောင်းရင်း ညဉ့်များနက်သွားခဲ့ရင် ရောက်တဲ့နေရာ ကားရပ်ပြီး နားကြ၊ အိပ်ကြ ရပါတယ်။ ကုန်အဖြစ် တင်လာတဲ့ ဆန်အိတ်၊ ပဲအိတ်တွေပေါ် ခြေညောင်းလက် ဆန့်လှဲရင်း အပေါ်ကို မော့ကြည့်မိရင်၊ ကြယ်တွေ အများကြီးပဲ တောင်တွေနဲ့ ထိလို့၊ တချို့ ကြယ်တွေက တောင်ထိပ်မှာ-C- ချိတ်ထားသလိုလို၊ တချို့ကြယ်တွေက တောင်ကြိုတောင်ကြားထဲ ကျနေသလိုလို။ မီးတန်းကြီးတွေ တန်းစီပြီး ဘုရားပွဲ လှည့်လည်နေသလို မျိုးလဲ မြင်ရရဲ့။ တောမီးလောင်နေတာ တွေလေ၊ တလောကတော့ ယောဆွေယောမျိုး တစ်ယောက်နဲ့ တွေ့လို့ ပြောသွားတယ်။ ပုံတောင် ပုံညာလဲ တောင်ကတုံး ဖြစ်နေပြီတဲ့၊ တောင်မီး လောင်စရာ တော မရှိတော့ဘူးပေါ့။ အခုနေများ အခွင့်သာလို့ ယောကို ပြန်ဖြစ်ခဲ့ရင်၊ ပြီးတော့ ပုံတောင် ပုံညာပေါ် မိုးချုပ်သွားလို့ ညအိပ်ရင်းနဲ့များ မော့ကြည့်မိခဲ့ရင် မီးတန်း ကြီးတွေနဲ့ ဘုရားပွဲလှည့်သလိုမျိုး မြင်ရတော့မှာ မဟုတ်ဘူး။ ကြယ်တွေနဲ့ တောင်တွေထိဖို့တောင် သေချာပါတော့မလားပဲ. . . ။ မုတ်သုံ