ဇနီးနှင့် သားသမီးများသို့ ထောင်တွင်းမှပေးစာများ

အကျဉ်းချုပ်

အကျဉ်းထောင်များ၌သာမဟုတ် ရပ်ဝေးတွင် လက်နက်ကိုင်၍ တိုက်နေ ကြသော ရဲဘော်များ၊ တောကြိုတောင်ကြားတွင် အလုပ်ဝတ္တရားနှင့် ရက်ရှည် လများ သွားလာလုပ်ကိုင်နေကြရသူများ အကြောင်းအမျိုးမျိုးကြောင့် ကွဲကွာ ကွေကွင်းနေကြရသူများမှာလည်း စာများကို ရေးချင်လျက်နှင့် မရေးနိုင်၊ ထည့်ချင်ပါလျက် မထည့်နိုင် ရှိကြပေသည်။ ရန်ကုန်ထောင်ကြီးအတွင်းမှနေ၍ မန္တလေးရှိ ကျွန်တော်၏ ဇနီးနှင့် သားသမီးများထံ ရေးသားခဲ့သော စာများတွင် ထိုထိုသော ကွဲကွာရေးသမား များ၏ ပုဂ္ဂိုလ်ရေးရာများ တိုက်ရိုက်ပါမည် မဟုတ်သော်လည်း၊ ထိုသူများ၏ စိတ်ထဲ ဝမ်းထဲတွင်ရှိသော သဘော သဘာဝများမှာ ကျွန်တော်၏ ရင်ထဲ နှလုံးထဲတွင် ရှိခဲ့သည်များနှင့် ယေဘုယျအားဖြင့် ထပ်တူပင် ဖြစ်နေကြလိမ့် မည်ဟု ကျွန်တော် ကောင်းကောင်းကြီး ယုံကြည်မိပါသည်။ သို့ဖြစ်လေရာ ကျွန်တော်၏စာများသည် အားလုံးသော ကွဲကွာ ကွေကွင်းနေသူများက ၎င်းတို့ ရေးလိုး ပေးလိုသူများထံသို့ ရေးလို သားလို သည်များကို အထိုက်အလျောက် ကိုယ်စားပြုနိုင်လိမ့်မည်ဟု မျှော်လင့် ယုံကြည်မိသည့်အတိုင်း ဤစာများကို ပုံနှိပ်ထုတ်ဝေရခြင်း ဖြစ်ပါသည်။